“Уус түһүлгэтэ”  икки күн ыытыллар

Сунтаарга  ыһыах чэрчитинэн “Уус түһүлгэтэ”  икки күн ыытыллар.

Көрүү-күрэһи сүрүннээччилэринэн СӨ норуотун маастара, Арассыыйа Уустарын сойууһун чилиэнэ, Александр Иванович Зимин аатынан РФ Уустарын академиятын бочуоттаах академига, СӨ П.А. Ойуунускай аатынан судаарыстыбаннай бириэмийэ лауреата, Сиэйэ нэһилиэгин бочуоттаах олохтооҕо, “Саха Айдын” көмүс оҥорор фирма салайааччыта  Николай Ильич Потапов – Дабайар Уус, СӨ норуотун маастара, СӨ култууратын туйгуна, тимир ууһа, Александр Иванович Зимин аатынан Арассыыйа тимир уустарын академиятын  бочуоттаах академига, Утум Уус — Иван Тимофеевич Павлов буолаллар.

Уус түһүлгэтин ыҥырыылаах ыалдьыттарынан  Уус Алдан улууһуттан “Мүрү оһуордара” түмсүү (салайааччы СӨ норуотун маастара Бочкарева Екатерина Михайловна), Уус Алдан улууһун Бээрийэ нэһилиэгиттэн “АРЧЫ” туосчуттар түмсүүлэрэ (салайааччы СӨ норуотун маастара, норуот эмчитэ Васильева Варвара Тихоновна) уонна да атыттар  буоллулар диэн Култуура салалтата иһитиннэрдэ.

Тэрээһин аһыллыытынан эҕэрдэ тылларын эттилэр   Сунтаар уустарын түмсүүлэрин бэрэссэдээтэлэ Ксения Прокопьевна Семенова, Сунтаар улууһун култууратын уонна айылгы салалтатын салайааччыта Саргылана Дмитриевна Омукова.