С.Николаева хаартыскаҕа түһэриитэ
Дьокуускайга бүгүҥҥүттэн «Уһук Илиҥҥэ оҥоһулунна» норуоттар икки ардыларынааҕы креативнай индустрия II пуорума сэргэхтик, өрө көтөҕүллүүлээхтик саҕаланна.
Пуорум иитинэн хас да сиэссийэнэн үлэ барда. Ол курдук биир уратынан «НХП и ремесла: как традиционные искусства превратить в успешный бренд» дьыалабыай сиэссийэ дьону-сэргэни түмтэ.
Манна урбаанньыттар, норуот маастардара, култуура нэһилиэстибэтин уобалаһыгар эспиэрдэр, уо.д.а. сырыттылар, Москваттан, Бурятияттан, Ульяновскайтан кыттыыны ыллылар.
Бастатан туран, Уһук Илин маастардара, урбаанньыттара киэргэллэри, үгэстэрин, сиэрдэрин-туомнарын көрдөрөр, кэпсиир оһуордаах-мандардаах оҥоһуктары, таҥаһы-сабы хайдах бренд оҥорору кэпсээтилэр, санааларын үллэһиннилэр. Холобур, сувенирдары маассабайдык атыыга таһаарыынан эрэ муҥурдаммакка, бу хас биирдии ыалдьыкка болҕомтотун тардарын, күндү уонна ураты буоларын хайдах ситиһиэххэ диэн ыйытыыга санааларын атастастылар, бэйэлэрин көрүүлэрин эттилэр.
«Симэх» норуот уус-уран оҥоһуктарын киинин салайааччыта Яна Игнатьева:
—Норуот уус-уран оҥоһуктарын сайыннарарга күүһү түмүөххэ. Маастардары урбаан уонна маркетинг сүрүннэригэр үөрэтиэххэ. Уустар кластердарын, быыстапкалыыр сирдэри тэрийиэххэ. Бу улахан суолталаах уонна үлэни сайыннарарга тирэх буолуо этэ диэн эспиэрдэр санааларын биллэрдилэр. Сиэссийэ түмүгүнэн Уһук Илин уонна Арктика норуоттарын уус-уран оҥоһуктарын далааһынныырга, киэҥ эйгэҕэ таһаарарга баазаланар биир уопсай киини тэрийиэххэ, ону таһынан бу хайысханы сайыннарарга суол-иис каартата оҥоһуллара наада диэн этилиннэ.
Түмүктээн эттэхпинэ, пуорум бу да сырыыга үгэс буолбут норуот уус-уран оҥоһуктара култуурунай нэһилиэстибэ быһыытынан эрэ буолбакка, өссө эрэгийиэн экэниэмикэтигэр биир дьоһун кэскиллээх хайысханан буолар кыахтааҕын өссө төгүл бигэргэттэ.
Кэбээйитээҕи кыраайы үөрэтэр түмэл экскурсовода Айталина Максимова тэрээһин туһунан санаатын үллэһиннэ:
—Туһалаах, бэртээхэй хайысхалардаах пуорумҥа сылдьар чиэскэ тигистим. Норуот уус-уран оҥоһуктарын киэҥник тарҕатар, биллэрэр-көрдөрөр, бренд оҥорор туһунан кэпсэтиини сэҥээрдим.
Тус бэйэм «Көмүлүөк» хампааньаны төрүттээбит, «Саха сиригэр оҥоһуллубут» Ассоциация бэрэсидьиэнэ Ольга Григорьева этиитин сэргээтим. Ол курдук, кини этиититтэн норуот уус-уран оҥоһуктарын киэҥник тарҕатарга, биллэр-көстөр оҥорорго хара маҥнайгыттан сатабыллаахтык салайар менеджер улахан оруоллаах буоларын, оннук салайар, хамсатар, үлэлэтэр киһи наада буоларын өйдөөтүм. Чахчыта, малы-салы, киэргэли, о.д.а. сайыннаран, билиҥҥи ирдэбилгэ эппиэтиир гына оҥорон, дьон-сэргэ ылынарын, сөҕөрүн, хайгыырын, биһириирин уонна ол далааһыннанарын курдук таһаарар сорук күүскэ туруохтаах.
Нуорма-быраап аакталарын бырайыактарын федеральнай порталыгар 2026 сыллааҕы биир кэлим, сүрүн судаарыстыбаннай итиэннэ судаарыстыбаннай түмүктүүр эксээмэннэр…
Сэтинньи 27 - 29 күннэригэр Дьокуускай куорат Арассыыйа цифровой трансформациятын киининэн буолуоҕа. Өрөспүүбүлүкэ киинигэр ИТ-индустрия…
Өлөчөй анал интэринээт-оскуолатыгар олорор инбэлиит оҕолор бырааптара кэһиллэрин туһунан иһитиннэрии тарҕаммытынан, Өрөспүүбүлүкэ борокуратуурата сорудахтаан, Мэҥэ…
Дьокуускайга “Голос” устуудьуйа оҕону кэрэ эйгэтигэр угуйар. Устуудьуйаны Татьяна, Христофор Саввиновтар салайаллар. Устуудьуйа тэриллибитэ аҕыс…
Алтынньы 18 күнүгэр Н.Е Мординов-Амма Аччыгыйын аатынан Харбалаахтааҕы үөрэхтээһин холбоһугар идэҕэ туһаайар үлэ хайысхатынан "Аһаҕас…
Алтынньы 17-31 күннэригэр Дьокуускайга "Чайковский-фест. Якутск" опера-балет бэстибээлэ буола турар. Бу Арассыыйатааҕы бэстибээл улуу композитор…