Уустуйаҕа 30 кыбартыыралаах дьиэ үлэҕэ киирдэ

Бүгүн, муус устар 24 күнүгэр, Сунтаар улууһун  Уустуйа нэһилиэгэр  «Хаарбах дьиэттэн дьону көһөрүү» федеральнай  бырагырааманан 30 кыбартыыралаах  дьиэ үөрүүлээх быһыыга-майгыга  үлэҕэ киллэрилиннэ. 

Уустуйа улуус кииниттэн икки килэмиэтирдээх сиргэ, өрүс нөҥүө баар. Бүгүҥҥү туругунан 500-кэ нэһилиэнньэлээх.

Бүгүн олохтоохтор өр күүппүт күннэрэ үүнэн, хаарбах туруктаах дьиэҕэ олорооччулар саҥа кыбартыыра күлүүстэрин туттулар. Эбийиэги олохтоох «СунтарЦеолит»  ХЭТ туппутун туһунан улуус  дьаһалтата иһитиннэрдэ.