Уустук балаһыанньаҕа түбэспит ийэ кыһалҕатын хайдах быһаарда?

«Дети Саха-Азия» пуонда иһинэн хас да бырайыак үлэлиир. Ол бырайыактартан биирдэстэринэн уустук балаһыанньаҕа түбэспит ийэлэр приюттара буолар.

Бу күннэргэ биир ийэ кыһалҕатын быһааран приюттан  тахсыбытын туһунан приют ТГ ханаала сырдатар. Оҕолордоох ийэ элбэх кирэдьииккэ киирэн, иэһэ-күүһэ мунньуллан улахан кыһалҕаҕа ылларбыт. Ол курдук 600-тэн тахса тыһ.солкуобай иэстээх, хас да оҕолоох сир-халлаан икки ардыгар туран хаалбыт. Ийэ кыһалҕатын быһаараары приютка олохсуйан олорон кэргэниниин арахсар докумуону ситиспит, алимеҥҥа докумуоннарын туттарбыт. Ону таһынан социальнай хантараакка киирэн иэһин аҥаарын төлөспүт. Ийэ бэйэтин эрэ буолбакка, оҕолорун дьылҕаларын иннигэр эппиэтинэстээхтик сыһыаннаспыт. Приют исписэлиистэрин кытта үлэлэһэн үөрэммит, эбии харчылаһар суолу тобулбут.

Кыһалаҕаҕа түбэспит ийэлэргэ приют  аана аһаҕас, төлөпүөннэрин нюөмэрэ: 8924 8983917.

Маны сэргэ, приютка бородууктанан, таҥаһынан-сабынан көмөлөһүөн баҕалаахтар сибээскэ тахсыахтарын сөп.