Хаартыска СӨ Гражданскай оборонаҕа министиэристибэтиттэн
Өймөкөөн улууһугар уу кэлиитин балаһыанньата уустугурбутунан сибээстээн, СӨ Гражданскай оборуонаҕа уонна нэһилиэнньэ олоҕор куттал суох буолуутун хааччыйыыга министиэристибэ өрөспүүбүлүкэ матырыйаалынай резервэтиттэн көмөнү оҥордо.
Суһал дьаһал чэрчитинэн Өймөкөөн улууһугар ыксаллаах быһыыга-майгыга дьону аһынан хааччыйарга анаан 500 бэлэм ас нобуора, быстах кэмҥэ сылааһынан хааччыйарга уонна аһыыр пууну тэрийэргэ 3 балаакка, 2 көһөрүллэ сылдьар куукуна уонна 5 итиинэн үрэр пушка (тепловая пушка), ууну хачайдыырга уонна иһэр ууну ыраастыырга 12 мотопомпа уонна 200 фильтр, инфраструктураны чөлүгэр түһэрэргэ 5 генератор уонна 5 бензопила, оттон дьону уонна таһаҕаһы таһарга 2 оҥочо ыытылынна.
Көмө Өймөкөөн улууһун дьаһалтатын бэрэстэбиитэлигэр салгыы тиэрдэригэр туттарылынна. Таһаҕаһы Саха сирин Быыһыыр сулууспатын быыһааччылара Арассыыйа ЫБММ көтөр аалынан тириэртилэр.
СӨ Гражданскай оборонаҕа уонна нэһилиэнньэ олоҕор куттал суох буолуутун хааччыйыыга министиэристибэтэ балаһыанньаны кэтии олорор уонна тыҥааһыннаах түгэҥҥэ эбии өйөбүл дьаһалларын ыларга бэлэм.
Өймөкөөн улууһугар айылҕа алдьатыылаах халаана олохтоохторго улахан хоромньуну аҕалла. [gallery ids="229247,229246,229245,229244,229243,229242,229241"] СӨ Гражданскай оборона дьыалаларын…
Hh.ru онлайн-рекрутинг аналитиктара Саха сиригэр ханнык хайысхаҕа үлэлиир исписэлиистэр саамай үрдүк хамнаһы аахсалларын быһаардылар. Бу…
Өймөкөөҥҥө үс бөһүөлэк, ол иһигэр Хара Тумул уонна Биэрэк Үрдэ бүтүннүү ууга барда диэн СӨ…
Академик Наталья Бехтерева үс сүбэтэ: 1. Олох тэтимин бытаардымаҥ. Кырдьыы эмиэ олох салгыыта буолар. Онон…
СӨ баһылыга Айсен Николаев РФ тырааныспарка миниистирин Андрей Никитины кытары көрүстэ. Бу туһунан СӨ Баһылыгын…
От ыйын 12-15 күннэригэр Дьокуускайга байыастар таҥастарын тигиигэ "Стежка за стежкой, метр за метром" өрөспүүбүлүкэтээҕи…