Уустук кэмҥэ БАМ саннын тоһуйан биэрдэ

Арассыыйаны Чуумпу акыйааҥҥа таһаарыахтаах тимир суол тутуута 1974 сыллаахха саҕаламмыта.

Байкал — Амур магистралын уһуна 4300 км, Иркутскай, Чита, Амур уобаластарынан, Бурятиянан, Саха сиринэн, Хабаровскай кыраайынан ааһар. Бу ХХ үйэ саамай улахан бырайыактарыттан биирдэстэригэр 2 мөл. кэриҥэ киһи үлэлээбитэ.
Кинилэртэн биирдэстэрэ, тимир суолу Аллараа Бэстээххэ аҕалсыбыт киһи үтүөлээх тутааччы Александр Дудников буолар.
«Бүгүн дойду илин диэки хайыһар кэмигэр, БАМ кэтит саннын тоһуйан биэрдэ. Бу оччолорго олус сөптөөх быһаарыныы ылыллыбытын дьэҥкэтик көрдөрөр.
Биһиги Алдантан Аллараа Кураанахха диэри сылга 14 км сыыллар кэмнээх этибит. Ол эрээри БАМ хатарыытын ааспыт буолан тулуйбуппут. Билигин Саха сиригэр тимир суолу туппут дьон аан дойдуга суох уопуттаахтар, Магадаҥҥа диэри илдьиэхтэрэ. Мин тимир суол Дьокуускайга киириэн баҕарабын».