«Уустук кэмҥэ бэйэ-бэйэбитин өйөһүөхпүтүн наада»

Балаҕан ыйын 30 күнүгэр Орджоникидзе болуоссатыгар ДНР, ЛНР, Херсон, Запорожье уобаластарыгар референдум ыытыллыбытын өйүүр миитин-кэнсиэр буолла. Манна мустубут дьон саҥа эрэгийиэннэр дойду састаабыгар киирбиттэрин, Арассыыйа нэһилиэнньэтэ 8 мөлүйүөн киһинэн эбиллибитин биһирииллэрин биллэрдилэр.

Михаил Сергеев, Хотугулуу-Илиҥҥи федеральнай университет устудьуона:

— Бу историческай кэмҥэ Луганскай, Донецкай Өрөспүүбүлүкэлэр, Запорожье, Херсон уобаластара Арассыыйаҕа киирэллэрэ үчүгэй дии саныыбын. Аан дойду биһиги утары турдаҕына, биһиги бэйэбитин өйөһүөхпүтүн уонна хааччыныхпытын наада. Бу миитин туһунан истэн баран, өйүүрбүн биллэрээри, бэйэм баҕа өттүбүнэн кэлбитим. Маннык уустук кэмҥэ бэйэ-бэйэбитин өйөһүөхпүтүн, биир сомоҕо буолуохпутун наада.