Уустук түбэлтэҕэ бэйэни хайдах уоскутуохха?

Красногорскай куоратыгар тахсыбыт, дьон олоҕун илдьэ барбыт алдьархайынан сибээстээн, Психоневрология өрөспүүбүлүкэтээҕи диспансерын исписэлиистэрэ: психотерапевт Алтана Алексеева уонна килиниичэскэй психолог Юлия Семенова бэйэни уоскутунарга сүбэлэрин билсиэҕиҥ.

Ыарахан балаһыанньа үөскээтэҕинэ:

-1-2 мүнүүтэ дириҥник уонна аа-дьуо тыын;
-киһини куттуур суостаах сонуннартан бэйэҕин көмүскэн;
-куһаҕан сураҕы социальнай ситимнэргэ хаттаан ыытыма;
-долгуйаҥҥын син биир сонуннары билиэххин баҕарбытыҥ да иһин, социальнай ситимнэртэн аралдьый;
-күннээҕи дьиҥнээх олоххор төнүн уонна эйиэхэ туох да куттал суоһаабатын курдук санан;
-биир эмэ боростуой дьыаланан: эт-сиин күүһүн эрэйэр үлэнэн дьарыктан эбэтэр таһырдьа күүлэйдээ;
— бэйэҕитин харыстаныҥ, чугас дьоҥҥутугар бигэ тирэх буолуҥ, кыһамньылаах сыһыаҥҥытын биллэриҥ.