Уустуктар тустарынан судургутук уонна интэриэһинэйдик

РФ тыа хаһаайыстыбатын министиэристибэтин тыа сирин сайыннарыыга департаменын дириэктэрин э.т. Дарья Рябухина тыа сирин кэлимник сайыннарыы бырайыактарын туһунан кэпсээтэ.

Пуорум бастакы былаһааккатыгар — «Национальная парадигма территориального развития: новые горизонты российского пространства» диэн маастар-лиэксийэҕэ социальнай эбийиэктэр хайдах буолуохтаахтарын, хайдах уһуйааны оҕо сэҥээрэрин, уо.д.а.  дьүүллэстилэр.

Эспиэртэри кытта сэһэргэһии билиини-көрүүнү хаҥаппыт. Ол курдук, Арассыыйа хас да сайдыы кииннээх дойду быһыытынан хайдах сайдарый?  Территориялары сайыннарыы былааннарын социальнай-экэнэмиичэскэй бырагыраамалары кытта сөптөөхтүк сөбүлэһиннэрии туһунан. Тыа сирдэрин сайыннарыыга туох өйөбүл баарый. Сири-уоту сайыннарыыга судаарыстыба тутаах соруктарыгар ресурсалары көдьүүстээхтик туһаайыы, о.д.а.