Хаартыскалар Уус-уран гимнастикаҕа СӨ федерациятын пресс-сулууспатыттан
СӨ Уус-уран гимнастикаҕа федерациятын уонна үҥкүү успуордун түмсүүтүн салайааччыта Людмила Николаева бу күннэргэ Кемерово куоракка «Азия оҕолоро» аан дойдутааҕы спортивнай II кыһыҥҥы оонньууларыгар бочуоттаах ыалдьыт быһыытынан сырытта.
Кини аатырбыт олимпиецтары Павел Пинигины, Георгий Балакшины, СӨ физическай култуураҕа уонна успуорка миниистирэ Леонид Спиридоновы уонна СӨ Ил Түмэнин дьокутаата Михаил Гуляевы кытта өрөспүүбүлүкэ сүүмэрдэммит хамаандатын кытта көрүстэ, оҕолорго үтүө тыллары эттэ, ситиһиини баҕарда.
Кемерово уобалаһыгар уус-уран гимнастиканы уонна спортивнай үҥкүүнү сайыннарар дьону кытта көрсүһүүлэр буоллулар. Ол курдук Людмила Николаева уус-уран гимнастикаҕа Кузбасс федерациятын салайар Сергей Бирюковы уонна кини кэргэнэ, Кузбасс сүүмэрдэммит хамаандатын салайар, Арассыыйа үтүөлээх тириэньэрэ Ирина Бирюкованы кытта кинилэр спортивнай оскуолаларыгар сырытта. Билигин Арассыыйа чөмпүйэнээтигэр бэлэмнэнэр хамаанданы көрдө. Бирюковтар ааспыт сыллаахха Арассыыйа чөмпүйэнээтигэр Саха Өрөспүүбүлүкэтин кыргыттара чаҕылхайдык кыттыбыттарын уонна үчүгэй өйдөбүлү хаалларбыттарын бэлиэтээтилэр. Людмила Николаева Кемерово хамаандатын эһиил Саха сиригэр буолар «Азия оҕолоро» VIII сайыҥҥы оонньууларыгар ыҥырда. Кемерово уонна Саха сирэ хамаандалара бэйэ-бэйэлэрин кытта уопут атастаһа хардарыта күрэхтэһиилэргэ сылдьарга сүбэлэстилэр.
Маны таһынан Кемерово уобалаһын спортивнай үҥкүүгэ федерациятын бэрэсидьиэнэ Руслан Рогожкины кытта көрсүһүү буолла. Кузбасска уонна Саха сиригэр спортивнай үҥкүү сайдыытыгар баар уустуктар маарыннаһар, чугас эбиттэр диэн түмүккэ кэллилэр. Руслан Рогожкин Саха сиригэр бальнай үҥкүүнү саҕалаабыт Михаил Сивцевы кытта билсэр, доҕордуу сыһыаннааҕын уонна өрдөөҕүтэ Саха сиригэр бара сылдьыбытын кэпсээбитэ соһуччу үөрүүлээх буолла. Людмила Николаева эһиилги «Азия оҕолоро» оонньууга спортивнай үҥкүүгэ күрэхтэһии киирбитин биллэрдэ уонна Кузбасс хамаандатын онно кыттыыны ыларыгар ыҥырда.
Бу көрсүһүүлэр кэнниттэн Людмила Николаева “Азия оҕолоро» оонньуу уотун эстафетатыгар кыттыыны ылла. Кини факеллаах Кемерово куорат киин уулуссатынан эстафета биир кэрчигэр сүүрдэ уонна ол кэнниттэн санаатын үллэһиннэ: “ Эстафетаҕа сүүрэр наһаа долгутуулаах уонна эппиэтинэстээх. Маннык чиэскэ тиксибиппиттэн сүрдээҕин үөрэбин уонна эстафетаны тэрийээччилэргэ махтанабын! Оонньуу үөрүүлээх арыллыытын кэмигэр стадион үрдүнэн “Азия оҕолорун” гимнин «Кэнчээри” ансамбль оҕолоро сахалыы ыллаабыттарыгар сүрдээҕин долгуйдум уонна 1996 сылтан Сахабыт сиригэр саҕаламмыт спортивнай оонньуу билигин дьоһун бренд буолан, салгыы атын куоратынан, дойдунан тэлэһийэн тарҕанан, далааһыннанан иһэриттэн киэн тутуннум».
Людмила Николаева Кемерово куоракка эрэ буолбакка, уобаласка барытыгар успуорт күүскэ сайдыбытын, баараҕай уонна тупсаҕай успуорт эбийиэктэрэ элбэх сиргэ баарын бэлиэтээтэ, ону күрэхтэһии 4 куоракка тэҥинэн ыытылларын туоһулуур диэн эттэ.
Эһиил тохсунньу 1 күнүттэн Арассыыйаҕа мунньуллар биэнсийэ төлөнөр кэмин сабаҕаланар болдьоҕо 270 ый буолуоҕа. Маннык…
Булуҥ улууһун Тиксии бөһүөлэгэр ахсынньы 24 күнүгэр буурҕа түспүтүнэн сибээстээн оскуолаларга, оҕо уһуйааннарыгар үөрэх тохтотулунна.…
Сунтаар улууһугар итирик туруктаах уруулга иккиһин олорбут олохтоох дьахтарга суут бириигэбэрин таһаарда. Дьахтар ити иннинэ…
Биэнсийэни анааһыҥҥа ийэлэр бары оҕолорун көрбүт кэмнэрин ахсаанынан хааччахтааһына суох учуоттуур буолуохтара. Бу хос ааҕыы…
Саха сиригэр суукка иһигэр 3 буруйу оҥоруу тахсыбыта бэлиэтэннэ. Бу туһунан СӨ Борокуратууратын пресс-сулууспата суруйар.…
Бүгүн, ахсынньы 24 күнүгэр, киин куорат уокуруктарынан уонна сорох улуустарынан быстах кэмҥэ өрөмүөн үлэтинэн сибээстээн,…