Хаартыска СӨ Быыһыыр сулууспатыттан
Ааспыт сыл сүрүн суһал түгэннэрин кылгастык билиһиннэрэбит.
Дьону ууттан быыһааһын
Саха сирин быыһыыр сулууспата 2023 сыл устата ууга 100-тэн тахса көрдүүр-быыһыыр үлэни ыытта, ол иһигэр водолазтар үлэлээтилэр, ол түмүгэр 44 киһи быыһанна.
Водолазтар ойоҕостон көрүү гидролокатордарын көмөлөрүнэн 23 мөл. кв.м. сири чинчийдилэр. Саха сирин быыһыыр сулууспатын дааннайынан, ааспыт сылга 80 киһи ууга былдьаммыт.
Сүппүт уонна өлбүт дьону көрдөөһүн
Сир аһын хомуйуу кэмигэр, сыл аайы элбэх киһи мунар. Ол курдук, балаҕан ыйыгар Үөһээ Халыма оройуонугар 1939 с.т. уонна 1950 с.т. дьахталлар сүппүттэрэ. Кинилэр тыаҕа барбыттарын кимиэхэ да эппэтэхтэрэ уустуктары үөскэппитэ. Дьолго, отонньуттары быыһааччылар булбуттара.
Алтынньы ый бүтүүтэ Халыма өрүскэ икки киһи хаарынан айанныыр тиэхиньикэнэн айаннаан иһэн муус анныгар барбыттар. Биирдэрэ тимирбит, иккис киһи өрүс кытылыгар тахсан көмө ыҥырбыт. Водолазтар эр киһи өлүгүн 1,2 км өрүс сүүрүгүрэр сирин аллараа өттүттэн булбуттар. 11 күн устата барбыт көрдөөһүн түмүгэр, водолазтар илиилэринэн 4 тыһыынча кэриҥэ лууҥканы үүттээбиттэр.
Саахалы туоратар, чөлүгэр түһэрэр үлэлэр
Сыл бүтүүтэ Саха сирин быыһыыр сулууспатын быыһааччылара Уус Маайа оройуонугар уунан хааччыйыыны чөлүгэр түһэрэр үлэни толорбуттара, ол түмүгэр Солнечнай бөһүөлэгин киин хочуолунайа уот боруобата хатыһан итиини биэрэр үс хочуолтан иккитэ алдьаммыта. Быыһааччылар күн аайы 15-тии чаас тохтоло суох тымныы уунан хааччыйыы ситимин чинчийиини ыыппыттара, тоҥмут учаастактары булан ититэр пушкалар көмөлөрүнэн сылытан саахалы туораппытара.
Саха сиригэр томороон тымныылар түһэн туралларынан сибээстээн, Саха Өрөспүүбүлүкэтин быыһыыр сулууспата олохтоохторго сэрэхтээх буолалларыгар, уулуссаҕа уһуннук сылдьалларын уонна ыраах айанныыртан туттуналларыгар сүбэлиир. Өскөтүн, эһиэхэ көмө наада буоллаҕына «112» эбэтэр 8 (4112) 45-90-19 – СӨ Быыһыыр сулууспатын дьуһуурунайыгар биллэрэргитигэр сүбэлиир.
Ахсынньы 28 күнүгэр өрөбүллээҕи Оһуокайбыт буолла.Быйыл иккис сылын Чысхаан кэлэн алгыстаах оһуокайы таһаарда. Чысхаан оруолун…
Биэс сыллаах тохтобул кэнниттэн Москваҕа тыһыынчанан оҕолорго анаан Кириэмил харыйатын тэрээһинэ ыытылынна. Кинилэр истэригэр Саха…
Бу күннэргэ Горнай улууһун Землячествота саҥалыы тыыннаах тэриллибитэ 10-с үбүлүөйдээх сылын бэлиэтиир. Уопсастыбаннай тэрилтэ үлэтин…
Ахсынньы 26 күнүгэр Бүтүн Арассыыйатааҕы “Полиция Тымныы Моруос Оҕонньоро” аахсыйа саҕаламмыта. Бу суолталаах тэрээһиҥҥэ кыттан,…
Бу күннэргэ Саха сирин талааннаах дьоно хаартан-муустан кэлэн иһэр саргылаах Саҥа дьылы көрсө араас оҥоһуктары…
Дьокуускай куоракка сылаас тохтобулларга оҕолор уруһуйдарын көрүөххэ сөп. Ол курдук, “Доҕордоһуу болуоссатын “ уонна “Центральный”…