Хаартыска: СИА.
Бу күннэргэ Саха сиригэр кэлэ сылдьан, Владивостокка Узбекистан генеральнай консула Юсуп Кабулжанов уонна туризм кэмитиэтин бэрэссэдээтэлин бастакы солбуйааччы Джамшид Абдусаламов Узбекистан Өрөспүүбүлүкэтин туристическай кыахтарын билиһиннэрдилэр.
Бу суолталаах тэрээһиҥҥэ кыттыыны ылбыт “ЛОРП” ПАУо пассажирдары тиэйии уонна туризм сулууспатын салайааччыта Дмитрий Громов Узбекистантан кэлэ сылдьар дэлэгээссийэ бииргэ үлэлээһин туристическай хайысхаларын туһунан билиһиннэриитин сэҥээрбитин бэлиэтээтэ уонна бэйэтин санаатын маннык тиэртэ:
— Узбекистантан кэлбит туристар “ЛОРП” ПАУо үрүҥ тунал өҥнөөх лайнердарынан устан, аатырбыт “Өлүөнэ очуостара” Айылҕа национальнай пааркатыгар тиийэр аатырбыт уунан айан круизтары сөбүлүөхтэрэ диэн икки бүк эрэллээхпит. Үгүс күүстээх санаалаах турист Арктикаҕа тиийэ Өлүөнэ устун уунан айаннаан эмиэ тиийиэн сөбүн истэн, Узбекистан туризмын салайааччылара эмиэ бэркэ интэриэһиргээтилэр.
Москваҕа МITT норуоттар икки ардыларынааҕы туристическай быыстапка дьыалабыай былаһааккаларыгар аан дойду араас туристическай ассоциацияларыттан, туристическай тэрилтэлэриттэн кэлэн, туризм уонна ыалдьыттааһын индустриятыгар бииргэ үлэлээһин сөбүлэҥнэрин түһэрсэллэр. Бу суолталаах тэрээһиҥҥэ Саха сириттэн «Өлүөнэ очуостара» айылҕа национальнай паарката уонна «Ленатурфлот» ХЭУо эппиэттээх салайааччылара өрүү кыттыыны ылабыт. Онон быйыл кулун тутар 18-20 күннэригэр Москваҕа ыытыллар MITT аан дойдутааҕы туризм быыстапкатыгар Узбекистан Өрөспүүбүлүкэтин туризмы сайыннарыыга үлэлэһэр салалтатын кытта бииргэ үлэлээһиҥҥэ кэккэ сөбүлэҥи баттаһыах буоллубут.
СӨ Бырабыыталыстыбатын Бэрэссэдээтэлин солбуйааччы Сергей Местников, дойду Бэрэсидьиэнин Владимир Путин быһа эпиирин кэннэ, өрөспүүбүлүкэҕэ култууралар…
Силиэстийэлиир кэмитиэтин (СК) баһылыга РФ Бэрэсидьиэнин быһа сибээһигэр этиллибит Саха Өрөспүүбүлүкэтин олохтоохторун бырааптара кэһиллибитин туһунан…
Саҥа дьыллааҕы сиэр-туом хаһааҥҥыттан олохсуйбута биллибэт эрээри, дьон тутуһар: 1.Үүнэр сылга харчы кыһалҕата кыһарыйбатын туһугар,…
Ил Дархан Айсен Николаев оҥорон таһаарыы уонна туһаныы бөҕүн-сыыһын, ол иһигэр кытаанах тобохтору (КТ) хомуйуу…
Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччы Дмитрий Садовников, РФ Бэрэсидьиэнин Владимир Путин пресс-кэмпириэнсийэтин түмүктэринэн Саха…
Бу сыл ахсынньы 18 күнүгэр Уус-Маайа улууһун суута Элдьикээн бөһүөлэгин олохтооҕор РФ ХК 111-с ыстатыйатын…