В.Арсеньев аатынан литературнай бириэмийэ кыайыылаахтара билиннилэр

В.Арсеньев аатынан «Уһук Илин» литературнай бириэмийэ кыайыылаахтарын ааттара ааттаннылар. Сэтинньи 6 күнүгэр Москваҕа Арассыыйатааҕы култуура пуондатыгар наҕараадалары туттардылар.

«Уһун проза» номинацияҕа кыайыылааҕынан Михаил Калашников «Челюскин. В плену ледяной пустыни» кинигэтинэн буолла. «Кылгас прозаҕа» Григорий Кубатьян «Слово мужика (Старик и чудище)» кинигэтэ кыайда. «Оҕо прозата» номинацияҕа Лев Сысоров «Приключения Тимофея в удивительных мирах. Физика и химия» кинигэтинэн бастаата.
«За вклад в развитие Дальнего Востока» анал наҕарааданы быйыл «Дальний Восток» литературнай уус-уран сурунаалга туттардылар. Бу сурунаал 1933 сылтан Хабаровскай кыраайга тахсар.
Арсеньев аатынан бириэмийэни алтыс төгүлүн туттардылар. «Кылгас проза» номинацияҕа 28 сайаапка, «Уһун прозаҕа» — 20 сайаапка уонна «Оҕо прозатыгар» 17 сайаапка киирбит. Үксэ Уһук Илин уокуруктан сайаапкалар киирбиттэр.
Ол курдук, Приморскай кыраайтан — 20 сайаапка, Хабаровскай кыраайтан уонна Кытайтан алталыы сайаапка киирбит. Маны тэҥэ, Кореяттан аан бастаан нууччалыы тыллаах ааптардар кыттыбыттар.
Сообщить об опечатке
Текст, который будет отправлен нашим редакторам: