«Уһук Илин» литературнай бириэмийэ: кыайыылаахтар ааттара ахсынньыга биллиэҕэ

2023-2024 сс. сезоҥҥа В.К.Арсеньев аатынан «Уһук Илин» литературнай бириэмийэ номинаннарын  кылгас испииһэгэр тоҕус айымньы киирдэ. Кыайыылаахтары ахсынньы саҥатыгар биллэрэллэр.

Хас биирдии номинацияҕа үстүү айымньы талыллыбыт. «Уһун проза» номинацияҕа «Алмазными гранями» Вячеслав Нескромных, Михаил Калашников «Челюскин» айымньынан уонна Амир Хисамутдинов «Путеводная звезда привела меня во Владивосток» кинигэнэн киирбиттэр.

«Кылгас проза» номинацияҕа претенденнэр — Вячеслав Нескромных «Казус мнимого величия», Григорий Кубатьян «Слово мужика. Старик и чудище» уонна Петр Цыбулькин «Собачьи тайны».

«Оҕо прозата» номинацияҕа Лев Сысоров «Приключения Тимофея в удивительных мирах. Физика и химия», Елена Панюхина «Экспедиция на вырост», Алла уонна Яна Джан-Ша «Здравствуйте, дерево» киирбиттэр.

Арсеньев аатынан «Уһук Илин» Бүтүн Арассыыйатааҕы литературнай бириэмийэ 2018 сылтан, РФ Бырабыыталыстыбатын бэрэссэдээтэлин солбуйааччы – РФ Бэрэсидьиэнин Уһук Илиҥҥи федеральнай уокуругун боломуочуйалаах бэрэстэбиитэлэ Юрий Трутнев көҕүлээһининэн уонна өйөбүлүнэн ыытыллар. Бу айанньыт, географ, этнограф, суруйааччы, Уһук Илини үөрэтиигэ уонна сайыннарыыга кылаатын киллэрсибит Владимир Арсеньев аатын сүгэр. Алта сезон устатыгар Арассыыйа 25 субъегыттан уопсайа 500-тэн тахса сайаапка суруйааччылартан киирбитэ бэлиэтэнэр.

СӨ Ил Дарханын уонна Бырабыыталыстыбатын пресс-сулууспата