В.К. Арсеньев аатынан «Уһук Илин» литературнай бириэмийэҕэ сайаапкалары тутуу саҕаланна
![](https://sakha-sire.ru/wp-content/uploads/2024/02/c102b3cbe29aae2413613c5f961828a9e0e938f5.png)
РФ Бэрэсидьиэнин Уһук Илиҥҥэ боломуочуйалаах бэрэстэбиитэлэ — РФ Бырабыыталыстыбатын бэрэссэдээтэлин солбуйааччы Юрий Трутнев көҕүлээһининэн ыытыллар В.К. Арсеньев аатынан «Уһук Илин» Бүтүн Арассыыйатааҕы литературнай бириэмийэ алтыс сезона саҕаланна.
Олунньу 1 күнүттэн бириэмийэ саайтыгар үс номинациянан («Уһун проза», «Кылгас проза», «Оҕо прозата») сайаапкалары туталлар. Сайаапкалары от ыйын 30 күнүгэр диэри ыытыахха сөп. Кыттааччы сааһынан, гражданствотынан, олорор сиринэн хааччахтаммат. Сүрүнэ — айымньыта нууччалыы тылынан уонна Уһук Илин туһунан буолуохтаах.
Үлэлэр 2023 сыл тохсунньу 1 күнүттэн ахсынньы 31 күнүгэр диэри бэчээккэ тахсыбыт буолаллара ирдэнэр диэн тэрийээччилэр бэлиэтииллэр.
Киирбит үлэлэри суруйааччылар, литературнай кириитиктэр, таһаарааччылар дьүүллүөхтэрэ.
Бириэмийэ саайта — премияарсеньева.рф (12+)
Вконтакте: https://vk.com/premiyaarsenyeva (12+).
Сообщить об опечатке
Текст, который будет отправлен нашим редакторам: