«В.Рукавишников» теплоход сырыыта уһаата

Быйыл хаһааҥҥытааҕар даҕаны уһуннук сылаас туран, Дьокуускай — Аллараа Бэстээх хайысхатынан пассажирдары таһар «В.Рукавишников» теплоход сырыыта алтынньы  17 күнүгэр диэри уһаата.

Бу туһунан «Саха сирин тимир суоллара» хампаанньа иһитиннэрдэ. Былаан быһыытынан теплоход сырыыта алтынньы 10 күнүттэн тохтотуллуохтаах этэ.

Суудуна Дьокуускайдааҕы өрүс пордуттан  14.30 чаастан 3 нүөмэрдээх причалтан айанныыр.  Тимир суолунан айаннааччылар «РЖД» ААУо саайтыттан тута  теплоход  билиэтин атыылаһыахтарын сөбүн туһунан «Саха сирин тимир суоллара» хампаанньа иһитиннэрдэ.

Дьокуускайтан Аллараа Бэстээххэ диэри билиэт сыаната  500 солкуобай.