Ваакумнай суулаах аһылыктары бэрэбиэркэлээтилэр

Бүгүҥҥү күҥҥэ вакуумнай суулаах эт, балык аһылыктар киэҥник тарҕаналлар. Ол эрээри балар анаэробнай микроорганизмнартан төһө көмүскэллээхтэрэ биллибэт. Бу микроорганизмнар салгын тиийбэтиттэн үөскүүллэр.

Бу бактерияларга сүрүн болҕомтону спораны үөскэтэр Сlostridium диэн палочка ылар. Онон бактериялар аһы-үөлү оҥорон таһаарар тэрилтэлэргэ сөптөөх усулуобуйаны, бэтэринээринэй-санитарнай быраабыланы тутуспакка астааһынтан тахсар.

Саха сирин өрөспүүбүлүкэтээҕи  бэтэринээринэй-чинчийэр лабораториятыгар балык, эт, ыыһаммыт халбаһыылары микробиологическай чинчийиилэри ыытар. Ааспыт сыл түмүгүнэн уопсайа 347 сульфитредуцирующай бактериялары быһаарар боруоба ылыллыбыт. Мантан икки боруоба бактерия баарын көрдөрбүт.

2023 сылга 138 боруоба ылыллыбытыттан, түөрт боруоба бактерия баарын көрдөрбүт.

Вакуум суулаах бородууксуйаны атыылаһарга сүрүн болҕомтону суу бүтүнүгэр, күнүн-дьылын болдьоҕор, хаһан оҥоһуллубутугар уонна маҕаһыыннарга хайдах хараллыбытыгар ууруохха наада диэн  сүбэлииллэр.