«В.Л. Серошевскай «Якуты» II томун таһаарыы (Матырыйааллар, варианнар. I туомтан хаалбыт заметкалар, остуоруйалар,)» бырайыак Нуучча географическай уопсастыбатын гранынан уонна «Алаас» информационнай-технологическай киин итиэннэ Саха сирин духуобунаһын академиятын кыттыгастаах үбүлээһиннэринэн олоххо киирдэ.
Биллиилээх этнограф-сибировед, суруйааччы, публицист В.Л. Серошевскай география, килиимэт, сахалар төрүттэрин, олохсуйууларын, нэһилиэнньэ этин-хаанын туругун, олоҕун-дьаһаҕын, аһын-үөлүн, таҥаһын-сабын, тутуутун, искусствотын, баайын-дуолун, үлэтин-хамнаһын, оҕотун-уруутун, тылынан уус-уран айымньытын, итэҕэлин курдук киэҥ-куоҥ боппуруоһу чинчийбитэ.
Ааптар 19-с үйэ 1880-1890 сс. саха норуотун күннээҕи олоҕун-дьаһаҕын этнография өттүнэн кэтээн көрүүтэ улахан үлэни бэлэмнииригэр олук буолбута.
«Якуты» кинигэ бастакы туомун Нуучча географическай уопсастыбата 1896 с. Петербурга таһаарбыта. Бу үлэ өссө бэчээттэнэ илигинэ Нуучча географическай уопсастыбатын Аччыгый көмүс мэтээлинэн наҕараадаламмыта.
1901 с. Вацлав Серошевскай кинигэ иккис туомун бүтэрбитэ уонна бэчээккэ бэлэмнээбитэ. Кыайан тахсыбатах үлэ Санкт-Петербурга НГУо научнай архыыбыгар хараллан сыппыта.
СӨ Бырабыыталыстыбатын Бэрэссэдээтэлин солбуйааччы Сергей Местников эппитинэн, судаарыстыба уонна Саха сирин научнай уопсастыбаннаһа иккис туом тахсарыгар интэриэстээх этилэр, онон илиинэн суруллубут үлэни өрөспүүбүлүкэ атыыласпыта уонна тексин Национальнай архыыпка биэрбитэ.
«Өрөспүүбүлүкэ салалтата уонна Бастакы Бэрэсидьиэнэ Михаил Ефимович Николаев үлэ 2-с туома тахсарыгар улахан сыраларын уурдулар. Наука, национальнай архыып, университет, атын да эйгэ үлэһиттэрин кыһамньылаах үлэлэринэн, биһиги бу иккис туому илиибитигэр тутабыт. Бу таһаарыыга интэриэс олус улахан буолуоҕа. Серошевскай бэйэтэ эппитин курдук, бу үлэ саҥа научнай үлэлэр тахсалларыгар олугунан буолуон сөп», — диэтэ Сергей Местников.
Иккис туому филология билимин хандьыдаата Агафья Захарова оҥордо. Кинигэни Национальнай архыып кылаабынйа археограба Александр Калашников бэлэмнэстэ.
Иккис туомҥа олохтоох нууччалар уонна хотугу төрүт олохтоох норуоттар тустарынан матырыйааллар киирдилэр.
Бу сыл ахсынньы 18 күнүгэр Уус-Маайа улууһун суута Элдьикээн бөһүөлэгин олохтооҕор РФ ХК 111-с ыстатыйатын…
Былаас бэрэстэбиитэллэрэ, бырамыысыланнас хампаанньаларын салайааччылара уонна байыаннай дьайыы кыттыылаахтара хамсанар кыахтарын сүтэрбит буойуннарга көмө оҥоруутун…
Ахсынньы 23 күнүгэр Дьокуускай бириэмэтинэн күнүс 12:00 чааска Айсен Николаев сыл аайы оҥоһуллар Ил Түмэҥҥэ…
В.П.Решетников аатынан кырдьаҕастар уонна инбэлииттэр өрөспүүбүлүкэтээҕи интэринээт-дьиэлэригэр олорооччулар күннэрэ бэйэ-бэйэтигэр маарыннаһар: биир кэм бэрээдэктээх күннэр,…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Өтөх төҥүргэстээх" …
Нерюнгри оройуонун салаатын суут бириистэптэрэ биир тэрилтэттэн рекорднай суумалаах хамнаска иэһи ирдээтилэр. Нерюнгри олохтооҕо таҥастыыр…