“Саха сирэ” хаһыат (sakha-sire.ru) хорсун-хоодуот буойуттарбытыгар анаан, дойдуга бэриниилээх буолууга иитэр соруктаах хоһоон куонкуруһун биллэрбитэ.
АЛГЫҺЫМ ТИИЙИЭХТИН!
Арҕааҥҥы дойдулар
Аҥаардастыы айбардаары
Арассыыйаны атааннаан,
Араас сааҥсыйанан киирэн
Арахпакка буулаатылар,
Аныгы сэрии иэдээнин
Адаҕыйан аҕаллылар,
Аймалҕаны таһаардылар.
Эдэр чэгиэн ыччаттарбыт,
Аҕам саастаах эр дьоммут
Ыҥырыыны ылынан,
Сорохторо тылланан,
Дойдуларын көмүскээн,
Саа-саадах тутаннар,
Алаһа дьиэлэрин хаалларан,
Айан суолун туттулар.
Аҕа-ийэ уоллара,
Таптыыр кэргэн, оҕо-уруу
Дурда-хахха киһилэрэ
Тахсан барар. Ыарахан.
Сураҕа, онно иэдээн,
Өлүү-сүтүү буолунай,
Өстөөх кимэн киирэрин
Туруулаһар күчүмэҕэй.
Аныгы сэрии дьиктитэ:
Көтө сылдьар дуруоннар,
Киһитэ суох сөмөлүөттэр —
Өрөөбөккө киирсэллэр.
Биһи ньургун боотурдарбыт
Уоттаах инники кирбиигэ
Куттанары билбэккэ,
Кыайыыны чугаһаталлар.
Саха уола барахсан,
«Саалаахтан самныма,
Охтоохтон охтума!»
Алгыһым тиийиэхтин!
Олоҥхо бухатыырыныы
Кыайан-хотон, тутум үрдээн,
Дойдугар, Сахаҥ сиригэр,
Төннөн кэлиэҥ, эрэнэбин!
Мэдиссиинэ национальнай киинин Перинатальнай киинигэр алтынньы 23 күнүгэр ийэлэри уонна аҕыс саҥа төрөөбүт оҕону үөрүүлээхтик…
«ВИС» бөлөх тутааччылара үс тимир ураһаттан биирин туруорар үлэтин түмүктээтилэр. Дьокуускайга үс ураһалар билигин тутулла…
Бу күннэргэ М. Лукачевскай "Триумф" диэн киинэтэ киэҥ араҥаҕа таҕыста. Чулуу бөҕөстөрбүт 1976 сыллааҕы Олимпиадаҕа…
“Б8” акселерационнай бырагыраама Саха сирин уонна Казахстан оонньууну оҥорооччуларын түмтэ. Үс нэдиэлэ устата 35 сайаапка…
Госдуума дьокутаттара иккис уонна үһүс бүтэһиктээх ааҕыыга патогеннай микроорганизмнары контрабанданан дойдуга киллэрии уонна куттал суох…
Дойду Бэрэсидьиэнэ Владимир Путин сорудаҕынан 2025 сыл тохсунньу 1 күнүттэн «Земскэй учуутал» уонна «Земскэй быраас»…