Валентина Матвиенко: “Владимир Путин норуотун иннигэр эппиэтинэһи толору сүгэр”
![](https://sakha-sire.ru/wp-content/uploads/2023/12/c2205f1d6189c3b4403a69368f10e981-1060x596.jpg)
Бэҕэһээ Владимир Путин Арассыыйа бэрэсидьиэнин эһиилги быыбарыгар кыттыаҕын туһунан иһитиннэрдэ. Федерация Сэбиэтин бэрэссэдээтэлэ Валентина Матвиенко быыбарга Владимир Путин кандидатуратын өйүүрүн биллэрдэ.
“Биһиги бэрэсидьиэммит норуотун иннигэр эппиэтинэһин хайа да түгэҥҥэ умнубатаҕа. Бу бүгүн итини эмиэ өссө төгүл дакаастаата. Улахан уларыйыылар-тэлэрийиилэр буола турар кэмнэригэр норуотун, дойдутун интэриэһин көрөр быһаарыныыны ылынна. Мин санаабар, бу быһаарыныытын кини норуотун, дьонун-сэргэтин санаатыгар олоҕуран ылыммыт буолуохтаах”, — диэн иһитиннэрэр Валентина Ивановна бэйэтин “Телеграм” ханаалыгар.
Кини бэлиэтииринэн, Владимир Путин бу иһитиннэриитэ үгүс ыйытыыга хоруйу биэрэр.
— Владимир Владимирович бу быһаарыныытынан Арассыыйа салгыы социальнай, сувереннай, күүстээх, кыахтаах судаарыстыба быһыытынан сайдан барарыгар дьоҥҥо-сэргэҕэ эрэли сахта. Ону сэргэ үгүс ыйытыыга хоруйу биэрдэ, — диэн этэр спикер.
Сообщить об опечатке
Текст, который будет отправлен нашим редакторам: