Валентина Михайлова «Мисс Россия-2025» куонкуруска 50 иһигэр киирдэ

«Мисс Россия 2025» куонкуруска Саха сириттэн кыттар ХИФУ Омук тылын филологиятын уонна регионоведениетын институтун устудьуонката  Валентина Михайлова 50 иһигэр киирдэ.

Валентина куонкуруска кыттар национальнай көстүүмүн көрдөрдө. Ураты көстүүлээх көстүүмүн  «Хотой» ателье маастардара тикпиттэр.

blogi.nlrs.ru суруйарынан, Валентина элбэх оҕолоох дьиэ кэргэн улахан кыыһа. Бииргэ төрөөбүт төрдүөлэр. Онон кыра эрдэбиттэн дьоһуннаах, эппиэтинэстээх. 2023 сыл бүтүүтэ Ставропольга буолбут «Мисс Студенчество России» күрэххэ ХИФУ аатыттан кыттан,  «Вице Мисс Студенчество России» уонна «Мисс Грация» буолбута. «Мисс Россия» тэрийээччилэрэ онно кинини бэлиэтии көрөннөр, кастиҥҥа ыҥырбыттара. Оччолорго кини  1 куурус этэ.