Валентина Михайлова «Мисс Россия» куонкуруска кыттар

Арассыыйаҕа сылын ахсын ыытыллар   «Мисс Россия 2025» куонкуруска 90 тыһыынчаттан тахса сайаапка киирбит диэн ТАСС суруйар. Саха сириттэн  кэрэ кыргыттар күрэхтэригэр ХИФУ Омук тылын филологиятын уонна регионоведениетын институтун устудьуонката  Валентина Михайлова кыттар.

Валентинаны сэргэ күрэххэ  Ростов-на-Дону, Екатеринбург, Новосибирскай, Владивосток, Татарстаан, Москва,  Санкт-Петербург кыргыттара кыттыахтара.

ТАСС суруйарынан, кыайыылаах кыыс  Mercury ювелирнай солуонтан хоруонанан, 1 мөл. солк. наҕараадаланыаҕа итиэннэ  «Мисс Вселенная» аан дойдутааҕы күрэххэ кыттар чиэскэ тиксиэҕэ.

Икки сыллааҕыта Хотугулуу-Илиҥҥи федеральнай университет устудьуона Валентина Михайлова  «МОЛОДЫЕ ЛИЦА СТРАНЫ 2023» XVII Арассыыйатааҕы куонкурус түмүгүнэн вице-мисс буолбута. Бу суолталаах тэрээһиҥҥэ дойду 34 эрэгийиэнэ кыттыыны ылбыта.