Москваҕа перинатальнай мэдиссиинэ салаатыгар “Первые лица” Бүтүн Арассыыйатааҕы IX бириэмийэни туттарыы сиэрэ-туома ыытылынна.
“Первые лица” бириэмийэ — Арассыыйаҕа перинатальнай мэдиссиинэ сайдыытыгар биллэр кылааттарын киллэрбит исписэлиистэри наҕараадалыыр соҕотох бириэмийэ.
Быйыл бу бириэмийэ лауреатынан мэдиссиинэ наукатын доктора, РФ уонна СӨ доруобуйатын харыстабылын туйгуна, Мэдиссиинэ национальнай киинин Педиатрияҕа киинин дириэктэрин хирургияҕа солбуйааччы Валентина Алексеевна Саввина буолла.
Валентина Алексеевна үгүс үлэни ыытар, ол иһигэр, Оҕо төрүүр дьиэтигэр сүбэ-ама биэрэр, консолиумнарга кыттар, ургентнай патологиялаах төрөөбүт кырачааннары эпэрээссийэлиир.
Кини мэдиссиинэ салаатыгар быраактыкаҕа киллэрбит кылаата улахан. 1994 сылтан Саха сиригэр Гиршпрунг ыарыытыгар уонна аноректальнай атрезияҕа проктология эпэрээссийэлэрин, колоэзофагопластика эпэрээссийэлэрин аан бастакынан оҥорбута.
Валентина Саввина СӨ Доруобуйа харыстабылын министиэристибэтин штаты таһынан кылаабынай исписэлииһинэн үлэлээн, улахан болҕомтону хирурдар үөрэхтэригэр уурар, ыарахан ыарыһахха куруук сүбэ-ама биэрэр, сыл аайы РФ сүрүн исписэлиистэрин ыҥыран, оҕо хирургиятын кыһалҕаларыгар сэртипикээккэ цикллары, сэминээрдэри, “төгүрүк остуоллары”, кэмпэриэнсийэлэри ыытар, сийиэстэргэ кыттар.
Олунньу 15 күнэ Арассыыйаҕа – ураты күн, бу күҥҥэ дойду үрдүнэн Аҕа дойду тас өттүгэр…
Дьокуускайга ыытылла турар Уһук Илин эргэгийиэннэр сүүмэрдэммит хамаандаларын художественнай гимнастикаҕа биирдиилээн бастыыр иһин күрэхтэһиилэрэ Саха…
Өрөспүүбүлүкэтээҕи 2 №-дээх балыыһаҕа-Мэдиссиинэ Суһал көмөтүн киинигэр Саха сирин улуустарын Киин балыыһалара, поликлиникалар, атын балыыһалар…
Эспиэрдэр бэлиэтииллэринэн, дойду тэбэр сүрэҕэр Москваҕа ааттаах-суоллаах улахан эрэстэрээннэр сабыллыыларын улахан долгуна бэлиэтэннэ. Бу маннык…
«ВИС» бөлөх Өлүөнэ өрүс нөҥүө күргэни тутууга үлэни тэнитэр. Бүгүн коффердамнары туруорарга уонна өрүс ортотунааҕы…
Олунньу 14 күнүгэр Саха сирин Ытык кырдьаҕаһа, тыыл бэтэрээнэ Федора Николаевна Иванова 104 сааһын туолла.…