Валентина Шологонова-Суруйдаана: «Өбүгэ эрэлэ — уол!»

“Саха сирэ” хаһыат (sakha-sire.ru) хорсун-хоодуот буойуттарбытыгар анаан, дойдуга бэриниилээх буолууга иитэр соруктаах хоһоон куонкуруһун биллэрбитэ.

Куонкуруспут 72-с кыттааччыта Үөһээ Бүлүүттэн төрүттээх Дьокуускай олохтооҕо Валентина Шологонова-Суруйдаана:

Өбүгэ эрэлэ — уол!

Аар Айыы Айылҕабыт
Айбыт улуу Ыйааҕа-
Уол буолан айыллыбыт
Буолар Дойду куйаҕа.

Өбүгэбит барахсан
Уолга ордук үөрэрэ,
Көмүскүүр халыҥ хахха
Буолуохтааҕын өйдүүрэ.

Бэбиэскэни уол тутан,
Турунна уоту бохсорго,
Тиэтэлинэн хомунан,
Барда быстах хомуурга.

Ийэ, аҕа, дьиэ кэргэн
Аймана атаардылар,
Ис дууһаттан эрэнэн,
Күүтэллэрин эттилэр.

Төннөөр хайаан да,саллаат,
Барбытыҥ курдук, эн чөл,
Киирис хорсуннук, кытаат,
Кыайыы көтөллөнөн кэл!

Эппит тыл иччилэнэн,
Куйаар устун көтөҥҥүн,
Алгыс баһа сыаланан,
Эйэлээх кэм төнүннүн!