Валентина Шологонова-Суруйдаана: Улуу Ильмень

Бүгүн туолла аҕыс уон сыла
Кэрэ ньуургун уотунан ыһа,
Кыргыс хонуута гыммыттара,
Хаанынан уһуннарбыттара.

Бүгүн туолла аҕыс уон сыла
Эдэркээн араас омук уола
Хайыһардарынан дайаннар,
Киирбиттэрэ эн килэҥ муускар.

Бүгүн туолла аҕыс уон сыла,
Буойун “быраһаай” диэбит тыла
Сарсыарда дьыбарга сатараан
Иһиллэрэ элбээтэр элбээн.

Бүгүн туолла аҕыс уон сыла,
Бүгүн манна уу-чуумпу тула,
Ол эрэн сим биир иһиллэллэр
Бүгүн ыраах тиһэх хаһыылар…

Бүгүн туолла аҕыс уон сыла,
Таарыллар бүгүн сүрэх кыла,
Иһиллэр курдук “Ураа” хаһыы
Ильмень күөл үрдүнэн сатарыы…

Валентина Шологонова-Суруйдаана
23.02.2023 с.