“Саха сирэ” хаһыат (sakha-sire.ru) хорсун-хоодуот буойуттарбытыгар анаан, дойдуга бэриниилээх буолууга иитэр соруктаах хоһоон куонкуруһун биллэрбитэ.
Эргиллэн кэлээриҥ
Күһүҥҥү былыттаах халлаан
Тугу эрэ сэрэйбиттии,
Хараҥара өһүөрэн
Турда өһө дьиппиэрэн.
Луганскай, Донецкай, Херсон, Запорожье…
Дэлби тэптэрии, кутаа уот…
Эмискэ этиҥ эппитинии,
«Быстах хомуур» буолбут диэн,
Бэбиэскэ туттарыы туһунан
Ыар сурах тилэри сүүрдэ.
Эдэр дьоммут, оҕолорбут
Ийэ дойдуларыттан арахсаннар
Алтынньы маҥнайгы күнүгэр
Икки тыһыынча сүүрбэ икки сылга
Соһуччу бэбиэскэ тутаннар,
Дьон-норуот көҥүлүн көмүскүү
Бойобуой похуокка бардылар.
Ийэ иһигэр сылдьар оҕо…
Таптыыр кэргэн…
Кырдьаҕас ийэлээх аҕа…
Сыһыыга сылдьар сылгы, ынах…
Тэлгэһэҕэ киирбэтэх саһаан…
Тутулла турар дьиэ…
Барыта туран хааллылар.
«Барыта Кыайыы иһин!» диэн,
Сүүһүнэн мөлүйүөн сүрэҕэ түмүллэр,
Эбэлэр ,ийэлэр, эдьиийдэр,
«Эмтээх мөһөөччүк», сылаас таҥас…
Кичэллээхтик тигиллэр,
Сылаастара сойбокко
Суһал көмөнөн тиэрдиллэр.
Тиис-тиискэ, хаан-хааҥҥа
Кырыктаах охсуһуу уотугар
Көҥүл, дьол, эйэ туһугар
Күүскүтүн харыстаабакка
Ийэ дойдугут туһугар
Түһэн биэрбэккэ охсуһуҥ,
Эһиги хайаан да кыайыаххыт!
«Балык ыамнаах, киһи күннээх»
Үрүҥ тыыны өллөйдүур
Биһиги Үрүҥ Уоланнарбыт,
Биһиги Ньургун Боотурдарбыт
Ытык иэскитин төлөөҥҥүт
Кыайыы көтөллөөх этэҥҥэ
Эргиллэн кэлээриҥ, күүтүөхпүт!
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…