Хаартыска: Нуучча тыйаатырын архыыбыттан
Нуучча тыйаатырын уһулуччулаах режиссера Валерий Яковлевич Келле-Пелле баара буоллар, атырдьах ыйын 17 күнүгэр 80 сааһын туолуо этэ.
Александр Пушкин аатынан Нуучча дырааматын академическай тыйаатырыгар Валерий Келле-Пелле үбүлүөйүн көрсө кини аатынан тыйаатыр бириэмийэтин сөргүтэргэ быһаардылар.
Валерий Яковлевич Нуучча тыйаатырыгар кылаабынай режиссерунан 1978-1990 сылларга үлэлээбитэ. Уларыта тутуу судургута суох кэмнэригэр тыйаатыр айар кэлэктиибин кытары 31 испэктээги туруорбута. Киниэхэ “САССР култууратын үтүөлээх үлэһитэ” аат иҥэриллибитэ.
Уһулуччулаах режиссер 1990 сыл атырдьах ыйын 5 күнүгэр күн сириттэн күрэммитэ.
Нуучча тыйаатырын дириэктэрэ уонна уус-уран салайааччыта Александр Лобанов кэпсээбитинэн, үгүс сылларга В.Я.Келле-Пелле аатынан тыйаатыр иһинээҕи бириэмийэ олохтоно сылдьыбыта.
— Валерий Яковлевич төрөөбүтэ 80 сылынан тыйаатыр саҥа 133-с сезонугар биһиги үтүө үгэһи төнүннэргэ – кини аатынан бириэмийэни туттарарга быһаардыбыт. Бириэмийэни үлэҕэ ураты ситиһиилээх уонна тыйаатыр олоҕор көхтөөхтүк кыттааччыларга “Эр киһи бастыҥ оруола”, “Дьахтар бастыҥ оруола” номинацияларынан туттарыахпыт. “Тыйаатыр киһитэ” диэн саҥа киллэрбит номинациябытын ханнык баҕарар үлэһит уонна тыйаатыр ускуустубатын сыаналааччы ылыан сөп. Кыайыылаахтары тыйаатыр уус-уран сэбиэтэ быһаарыаҕа. Валерий Яковлевич үтүө аата өрөспүүбүлүкэбит уонна Арассыыйа тыйаатырдарын устуоруйатыгар сурулунна. Биһиги бу өйдөбүнньүгү көрөөччүлэргэ хаалларар ытык иэстээхпит, кини талаана – биһиги уопсай устуоруйабыт сорҕото”, — диэтэ Александр Лобанов.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…