Валерий Лютай Афганистан  сэриитэ түмүктэммитэ 35 сылыгар аналлаах тэрээһиҥҥэ кытынна

Бүгүн, олунньу 15 күнүгэр, Афганистан  сэриитэ түмүктэммитэ 35 сылынан  тэрээһин буолан ааста.

Бойобуой дьайыылар бэтэрээннэрэ, Бырабыыталыстыба чилиэннэрэ, норуот дьокутааттара, уопсастыбанньыктар уонна ыччаттар дойду тас өттүгэр Сэбилэниилээх иирсээннэригэр өлбүт буойуттары кэриэстээтилэр.

Тэрээһиҥҥэ Владимир Путин итэҕэллээх киһитэ, Бүтүн Арассыыйатааҕы норуот фронун Саха сиринээҕи  салайааччыта,  Афганистан бэтэрээннэрин сойууһун бэрэссэдээтэлэ Валерий Лютай кытынна.

Сарсыарда Дьокуускайдааҕы тыа хаһаайыстыбатын техникумугар  Кыһыл Сулус уордьан кавалера Владимир Калашников бүүһүгэр сибэкки дьөрбөтө уурулунна. Ону тэҥэ кыргыһыы хонуутугар охтубут буойун-интернационалистар пааматынньыктарыгар эмиэ сибэкки дьөрбөтө уурулунна.