Саха сиригэр Афганистан бэтэрээннэрин сойууһун бэрэссэдээтэлэ Валерий Лютай өрөспүүбүлүкэтээҕи социальнай-чэбдигирдэр кииҥҥэ байыастары уонна кинилэр дьоннорун көрүстэ.
—Эһиги олоххутун толук уураргытын, доруобуйаҕытын харыстыыргытын кэрэйбэккэ туран, дойдуга бэриниилээххитин көрдөрдүгүт. Госпиталларга сырыттахпына, миэхэ Саха сирин хорсун-хоодуот байыастарын туһунан куруутун кэпсииллэр. Онон мин Сахабыт сиринэн уонна байыастарбытынан киэн туттабын, — диэн мустан олорооччуларга туһаайан эттэ.
Кини билиҥҥи кэмҥэ дьоруойдуу быһыыны байыастар эрэ буолбакка, дойду уонна өрөспүүбүлүкэ элбэх омуктаах норуота байыастарга көмөтүнэн, уопсай дьыала туһугар түмсүүтүнэн көрдөрөрүн бэлиэтээтэ.
—Уустук кэмнэргэ биһиги норуоппут өрүү түмсэр. Билигин ол эмиэ көстөр. Биһиги дьахталларбыт кыһамньылаах сыһыаннарынан, өйөбүллэринэн бэйэлэрин дьоруойдуу быһыыларын эмиэ куруутун көрдөрөллөр. Онтон атын хайдах буолуой, өскөтүн биһиги буойуннарбыт оннук буоллахтарына, дьахталлар эмиэ оннуктар. Итинэн биһиги бигэ кытаанахпыт көстөр. Төһөнөн биһигини утараллар да, биһиги соччонон бөҕөргүүбүт уонна түмсэбит, — диир Лютай.
Өрөспүүбүлүкэтээҕи кииҥҥэ 400-тэн тахса байыас уонна кинилэр дьиэ кэргэттэрэ доруобуйаларын чэбдигиртилэр. Бу хайысхаҕа үлэ Ил Дархан Айсен Николаев сорудаҕынан ыытыллар. РФ Бэрэсидьиэнэ Владимир Путин байыаннай дьайыы кыттыылаахтарын уонна кинилэр дьиэ кэргэттэрин бары өртүнэн өйөөһүн сыала-соруга судаарыстыба былааһын бары таһымыгар турарын хаста да ыйан турар.
Өлүөнэ өрүскэ муус харыыта тахсан, көрүөх бэтэрээ өттүгэр уу таһыма үрдээн, Өлүөхүмэ улууһун хас даҕаны…
Өлүөнэ мууһа бүгүҥҥү туругунан Хаҥалас улууһунан устар. Онон сотору кэминэн суудуналар сырыылара саҕаланыаҕа. СИА суруйарынан,…
Ыксаллаах быһыы-майгы Өлүөхүмэ уонна Ньурба улуустарыгар муниципальнай таһымҥа биллэриллэн, бу оройуоннарга тыҥааһыннаах кэм үүннэ. --…
VIII норуоттар икки ардыларынааҕы «Азия оонньуулара» кыттарга бэлэмнэнии чэрчитинэн, Саха сирин эдэр спортсменнара быйылгы сыл…
Бу күннэргэ тыа хаһаайыстыбатынан дьарыктанар бары көрүҥнээх хаһаайыстыбаларга сааскы ыһыы үлэтигэр бэлэмнэнэллэр диэн Нам улуһуун…
Ис дьыала министиэристибэтин Дьокуускайдааҕы 2-с нүөмэрдээх полициятын отделын дьуһуурунай чааһыгар, бу күннэргэ оскуола үлэһититтэн ноутбук…