Валерий Лютай Жатай тиэхиньикумугар сырытта

Жатайга тиэхиньикум кэлэктиибэ уонна устудьуоннар Афганистан бэтэрээннэрин Саха сиринээҕи сойууһун бэрэссэдээтэлэ Валерий Лютайы кытары көрүстүлэр.

«Мин оҕо сааһым манна ааспыта, Жатайбын. Онон манна сылдьарым миэхэ наһаа үчүгэй. Ону сэргэ, Дьокуускайдааҕы өрүс училищетын бүтэрбитим. Онон миэхэ манна барыта күндү», — диэн көрсүһүү саҕаланыытыгар кини бэлиэтээн эттэ.

Кини бу көрсүһүүгэ байыаннай дьайыы туһунан кэпсээтэ, Дьокуускай куорат маастар-былааныгар тохтоото. Көрсүһүүгэ киирбит ыйытыыларга хоруйдаата.