Валерия Олесова ыстаҥаҕа үс рекорду олохтоото

Өктөм нэһилиэгэр ыытыллыбыт Анатолий Добрянцев аатынан саха национальнай ыстаҥатыгар өрөспүүбүлүкэтээҕи турнирга Виктория Олесова төрөөбүт Хаҥалас улууһугар сэттэ ыстаҥаҕа үс рекорду олохтоото – кылыыга, ыстаҥаҕа уонна троеборьеҕа.

Кылыыга аҥаар атаҕынан 25 миэтэрэ 40 см диэри көттө. Ыстаҥаҕа 24 миэтэрэ 62 см ыраах түстэ. Куобахха 19 миэтэрэ 52 см көрдөрөн, троеборьеҕа 69 миэтэрэ 54 см ыраах түһэн, өссө биир рекорду олохтууру ситистэ.

Виктория 21 саастаах, Хаҥалас улууһуттан төрүттээх, 4 №-дээх киин куорат ДЮСШ иитиллээччитэ. Күрэхтэһии кэнниттэн Виктория  Олесова рекорду доҕоругар уонна ыччакка Саха сирин сүүмэрдэммит хамаандатын старшай тириэньэрэ Тимофей Слепцовка  төрөөбүт күнүгэр — бэс ыйын 18 күнүгэр анаата.