Вандаллар 3 оптуобус тохтобулун алдьаппыттар

2024 сыл саҥатыгар Дьокуускай куоракка 46 сылааһынан хааччыллар оптуобус тохтобуллара үлэҕэ киирбиттэр.

Бэнидиэнньик аайы ыытыллар куорат уопсай планеркатыгар, тохсунньу 8 күнүгэр, тохтобуллар үлэлии туралларын туһунан биллэриллибитэ. Ол эрэн, 3 сылаас тохтобул сабыллан турар эбит. Бары тохтобуллар сабыллыыларын биричиинэтэ биир — вандализм, ол эбэтэр, соруйан урусхаллааһын буолбут.

Куорат салайааччыта Евгений Григорьев бу бэрээдэги кэһии түгэннэрин силиэстийэлээн буруйдаахтары эппиэккэ тардан, куоракка тахсыбыт ночооту төннөрөргө сорудахтаата.