Вандаллар аны тротуар билиитэлэрин ууга бырахпыттар

Ааспыт нэдиэлэҕэ «Таалай күөл» уопсастыбаннай  сиргэ  кимнээҕэ биллибэт дьон ыскамыайканы тоҕо тардан баран ууга бырахпыттарын туһунан суруйбуппут.

Аны бэҕэһээ туһааннаах уопсастыбаннай сир тротуарын билиитэлэрин күөлгэ быраҕаттаатылар. Дьэ сиэргэ баппат быһыы-майгы.

Былырыын сэтинньигэ Дьокуускайга Гагаринскай уокурукка вандаллар биир күн иһигэр  үс сылаас тохтобулу алдьатан тураллар.   Новопортовскойга, Гагарин искибиэригэр уонна Курнатовскай уулуссатыгар баар тохтобуллары.

Санатан эттэххэ, Арассыыйа Федерациятын Холуобунай кодексатын 214 ыст. вандализм иһин холуобунай эппиэтинэскэ тардыллыахха сөп, 40 тыһ. солкуобайга диэри ыстарааптаныахха, күһэлэҥ үлэҕэ эбэтэр үс сылга диэри хаайыллыахха сөп.