Варвара Кононова: «Эр хоһуун — эр бэрдэ!»

Куонкуруспут 33-с кыттааччыта  Ньурба Хорулатыттан Кононова Варвара Даниловна:

Эр хоһуун — эр бэрдэ!

Эрэл, эркин уолан буолаҥҥын,

Эйэ, көҥүл олох туһугар

Ийэ дойдуҥ уолун ыҥырар,

Ийэҥ алгыс этэн атаардын.

Хахсаат арҕаа тыалтан хаайтарбат,

Халбаҥнаабат дириҥ  толкуйдан,

Будулҕантан олох чаҕыйбат,

Булгуруйбат модун санаалан!

Хадаар очуос таастан иҥнибэт,

Халтарыйбат бигэ тирэхтэн,

Сатыылаабыт силлиэ хамсаппат,

Салҕалаабат бөҕө сүһүөхтэн!

Тууйар албас сатаан өһүлбэт,

Тулхадыйбат добун тулуурдан,

Кыһарҕаннаах кэмтэн толлубат,

Кыайар-хотор хорсун майгылан!

Айыыһытыҥ аҕыс сиринэн

Арыаллаатын тула харыстаан,

Иэйиэхситиҥ тоҕус дойдунан

Иэйэ көрөн тыыннаах эргилин.