Салгыы
Василий Баланов: «Хотугу буурҕалаах Булуҥҥут ахсаабат алгыһа туолуохтун!»

Василий Баланов: «Хотугу буурҕалаах Булуҥҥут ахсаабат алгыһа туолуохтун!»

Ааптар:
22.03.2023, 11:30
Хаартыска В.Баланов тиксэриитэ
Бөлөххө киир:

Булуҥ улууһугар Найба (Хара Уулаах) төһө да ыраах Арктика кытылыгар олордор, күн бүгүҥҥэ диэри #МЫВМЕСТЕ аһымал аахсыйа чэрчитинэн байыаннай эпэрээссийэ кыттыылаахтарыгар уонна кинилэр дьиэ кэргэттэригэр көмөлөһөр сыаллаах үлэтин дьулуурдаахтык, утумнаахтык ыыта олорор.

«Ол курдук, нэһилиэк хас биирдии олохтооҕо, уопсастыбаннаһа бэйэтин үтүө баҕатынан көмө оҥорорун ситиһии — биһиги үлэбит сүрүн сыала», — диэн кэпсиир Найбаттан “Маранга” этнокултуура киинин дириэктэрэ Василий Баланов.

— Биһиги, “Маранга» этнокултуура киинин үлэһиттэрэ, байыаннай дьайыыга кытта сылдьар байыастарга көмөҕө анаан ыытыллар дойду үрдүнэн биллэриллибит Бүтүн Арассыыйатааҕы аахсыйаларга Хара Уулаах олохтоохторо үтүө баҕаларынан кыттар тэрээһиннэрин иилээн-саҕалаан ыыта олоробут. Ол курдук, «Zа Победу!» диэн ыҥырыыны өйөөн, араас көлүөнэлэр марш-бросок оҥорууга кыттаннар, нэһилиэк бары тэрилтэлэрэ, олохтоохторо «За Победу! За Россию!» диэн дойдуга бэриниилээх буолуу аахсыйатыгар көхтөөхтүк кыттаннар, Арассыыйа аармыйатын кытта бииргэлэрин көрдөрөн, күүскэ өйөөбүттэрэ.
Аҕа дойдуну көмүскээччи күнүн дэкээдэтин чэрчитинэн, байыаннай эпэрээссийэ кыттыылааҕа М.Клепечини өйүүр аһымал аахсыйа кэмигэр дьаарбаҥка кэнниттэн энергопрактик, педагог-психолог Абрамова Евдокия Романовна туругу тупсарар, көннөрөр аналлаах бэйэни истэр, ыллыыр чааскыларынан медитация оҥорбута. Байыас дьонугар, оҕолоругар көмөлөһөн, ыччаттарбыт кэмиттэн кэмигэр субуотунньуктууллар.

ДЭС кэлэктиибин волонтердарын этэрээтэ олохтоох ыччат тэрилтэтин кытта элбэх оҕолоохторго, кырдьаҕас ыалларбытыгар утумнаахтык көмөлөһөллөрүн умнубаттара хайҕаллаах. Кинилэр нэһилиэкпит бары уопсастыбаннай үлэлэриттэн хаһан да туора турбаттар. Быйыл байыаннай-патриотическай оонньуу түмүгэр 80-с сыллардааҕы ыччаттар «Комсомольцы — Добровольцы» хамаандалара 1 миэстэлэммитэ, 2 миэстэҕэ — 90-стар, 3-с миэстэҕэ — 2000-с сыллааҕы ыччаттар тахсыбыттара. #МЫ ВМЕСТЕ патриотическай аахсыйанан «СОМОҔО-2022» бэстибээли ыыппыппыт чахчы даҕаны сомоҕолоһуу тыынынан илгийбитэ.
Найбаттан байыаннай эпэрээссийэ кыттыылаахтарыгар Ф. Аммосов-Хоһуун Уол бэйэтин хоһоонун анаабыта.
Хотойдор Хоту көтөллөр
Бардыгыт уолаттар сэриигэ,
Буурҕалаах Булуҥтан хоҥноҥҥут.
Быыкаптан, Күһүүртэн айаннаан,
Найбаттан, Намыыттан мустаҥҥыт,
Сииктээх, Таймылыыр диэкиттэн
Кэлэҥҥит Тиксииттэн бардыгыт.

Күлүмнүүр дьүкээбил үрүттээх
Кылбаарар кырсалаах дойдугут,
Тамайар табалаах аларгыт,
Тунал хаар хатаммыт таастаргыт
Сайыһан намыйан турдулар.
Сайыһа хааллылар хайалар,
Сайылыыр сынньанар күөллэргит,
Киэҥ нэлэ кытыллаах Байҕалгыт,
Бараммат балыктаах Муораҕыт.

Кэлээриҥ эрэттэр эргиллэн,
Кыайыылаах өрөгөй былаахтаах.
Хотойдор Хоту көтөллөр
Өйдөөрүҥ бу тылы эһиги —
Ол курдук төннөөрүҥ буойуттар
Кыайыыны уһансан бараҥҥыт,
Төрөөбүт-үөскээбит түөлбэҕит —
Хотугу буурҕалаах Булуҥҥут,
Ахсаабат алгыһа куруутун
Иэйэхсит буолуохтун эһиэхэ!

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
25 июля
  • 21°C
  • Ощущается: 21°Влажность: 78% Скорость ветра: 2 м/с

Сообщить об опечатке

Текст, который будет отправлен нашим редакторам: