Салгыы
Василий Егоров Европатааҕы бокса чөмпүйэнээтигэр кыттыаҕа

Василий Егоров Европатааҕы бокса чөмпүйэнээтигэр кыттыаҕа

18.04.2024, 20:31
Хаартыска: Андрей Сорокин, СИА
Бөлөххө киир:

Сербияҕа Белград куоракка Европатааҕы бокса чөмпүйэнээтэ ыытыллар.

Күрэхтэһиигэ Арассыыйа сүүмэрдэммит хамаандатыгар 51 киилэҕэ диэри ыйааһыҥҥа Арассыыйа биэс, Европа икки төгүллээх чөмпүйүөнэ, аан дойду чөмпүйэнээтин үрүҥ көмүс призера, успуорт үтүөлээх маастара Василий Егоров кыттар. Бокса устуоруйатыгар чөмпүйэнээккэ аан бастакытын эр дьон уонна дьахталлар тэҥҥэ күөн көрсөллөр. Белградка барыта 401 араас дойдуттан 35 спортсмен кыттыаҕа.

Василий Егоров киирсэр 51 кг ыйааһыныгар 11 кыттааччы баар. Сэрэбиэй быһыытынан кинилэр икки бөлөххө арахсан күрэхтэһэллэр. Рейтинг быһыытынан армянин Рудольф Гарбоян үөһэ, азербайджанец Масуд Юсуфзада аллараа бөлөххө аттарыллан туруорулуннулар.

Кини бастакы эргииргэ сынньанан баран, муус устар 24 күнүгэр финал чиэппэригэр венгр Аттила Бернары кытта киирсиэҕэ. Венгр уопутаах боксер, киирсибитэ син ыраатта, кэккэ ситиһиилэрдээх, сааһа 24. Манна ким кыайбыт финал аҥаарыгар тахсыаҕа. Онтон Гарбоян финал чиэппэригэр, Румыния уонна Испания боксердарын киирсиилэрин кыайыылааҕын кытта көрсүөҕэ. Бу ыйааһыҥҥа бастакы киирсиилэр муус устар 19 күнүгэр буолаллар.

+1
2
+1
0
+1
0
+1
0
+1
0
+1
0
+1
0
Бары сонуннар
Салгыы
29 мая
  • 18°C
  • Ощущается: 17°Влажность: 48% Скорость ветра: 3 м/с

Сообщить об опечатке

Текст, который будет отправлен нашим редакторам: