Василий Егоровка «Мэҥэ-Хаҥалас улууһун Бочуоттаах олохтооҕо» бэлиэни туттардылар

Боксаҕа Арассыыйа үтүөлээх маастара, Олимпийскай оонньуулар кыттыылааҕа, аан дойду чөмпүйэнээтин үрүҥ көмүс призера Василий Егоров Мэҥэ-Хаҥалас улууһун Бочуоттаах олохтооҕунан буолла. Бу туһунан СӨ Физическэй култуураҕа уонна успуорка министиэристибэтин пресс-сулууспата иһитиннэрдэ.

Василий Егоровка бэлиэни Мэҥэ-Хаҥалас улууһа төрүттэммитэ 96 сылыгар аналлаах үөрүүлээх тэрээһин кэмигэр оройуон баһылыга Дмитрий Тихонов туттарда. Кини Василий Егоров успуорт сайдыытыгар киллэрбит уһулуччулаах кылаатын уонна төрөөбүт оройуонун престиһин  үрдэтиигэ оруолун бэлиэтээтэ.