Ольга Павлова хаартыската
Уус Алдан улууһугар Бороҕоҥҥо С.Васильев — Борогонскай аатынан киин бибилэтиэкэҕэ быыстапка буолла.
С.С.Васильев — Борогонскай аатынан киин бибилэтиэкэ ааҕар саалатыгар 2 Лөгөйтөн төрүттээх киэн туттар биир дойдулаахпыт Василий Никанорович Леонтьев төрөөбүтэ 130 сылыгар аналлаах «Василий Леонтьев олоҕо, үлэтэ» быыстапканы дьон-сэргэ сэҥээрдэ. Василий Никанорович уопсастыбаннай, бэлитиичэскэй диэйэтэл, саха литературатын маҥнайгы историга, кириитигэ, кыраайы үөрэтээччи, «Саха омук» култуурунай-сырдатар уопсастыба салайааччыта. Мустубут ыалдьыттарга «Алгыс » кыраайы үөрэтэр отдел салайааччыта О.Н.Павлова сиһилии кэпсээтэ.
Тэрээһиҥҥэ 2 Лөгөй нэһилиэгин баһылыга П.Е.Бурнашев, олохтоох түмэл салайааччыта Ф.Д.Бысыин, Тулуна бибилэтиэкэтин сэбиэдиссэйэ М.В.Неустроева, нэһилиэк оскуолатын үөрэнээччилэрэ сырыттылар. Ону таһынан Мүрү 1 №-дээх оскуолатын 10 кылааһын үөрэнээччилэрэ кэлэн көрдүлэр.
Бысыин Ф.Д. биир дойдулааҕа үөрэммит Томскай куоратыгар сылдьыбытын, В.Н.Леонтьев олоҕо ситэ үөрэтиллибэккэ, сырдатыллыбакка сылдьарын бэлиэтээн эттэ. Быыстапкаҕа уонна бэсиэдэҕэ сылдьыбыт оҕолор Сахабыт сирин историятыгар биир туспа суоллаах дойдулаахпыт туһунан саҥа иһиттибит диэн санааларын үллэһиннилэр. Быыстапканы улаханнык сэҥээрбиттэрин эттилэр. Ытык киһиэхэ аналлаах быыстапкаҕа бэчээккэ тахсыбыт ыстатыйалар, олоҕун, айар үлэтин сырдатар литература, В.Н.Леонтьев аата тиллэригэр күүскэ үлэлэспит В.Н.Протодьяконов үлэлэрэ болҕомтону тартылар.
Ольга Павлова
Ааптар хаартыскалара
“Талааннаах киһи барытыгар талааннаах” диэн этии оруннааҕын үгүс түгэҥҥэ көрө-истэ сылдьабыт. Былырыыҥҥы “Үрдэл” ырыа бириэмийэтигэр…
Олунньу 1 күнүгэр Арчы дьиэтигэр өрөбүллээҕи Оһуокайбыт үрдүк таһымнаахтык ааста. Куоракка олорор уус алданнар тоҕуоруһан…
“Успуорт сарыыссатынан” ааттанар чэпчэки атлетика аата эрэ “Чэпчэки атлетика”. Дьиҥинэн, успуорт көрүҥнэриттэн биир уустуктара. Ким…
Билиҥҥи кэмҥэ волонтердар көмөлөрө олус улахан суолталаах. Тыһыынчанан волонтердар түмсэн байыаннай дьайыы кыттыылаахтарын өйүүллэр. Бүгүн…
Бу күннэргэ Дьокуускайга бэйэ дьыалатын социальнай хантараак нөҥүө тэриммит дьоҥҥо олус туһалаах тэрээһин буолан ааста.…
Сунтаарга бу өрөбүл күннэргэ хапсаҕайы таптааччыларга улахан үөрүү. Сыллата ыытыллар Бордоҥтон төрүттээх хапсаҕайга спорт маастара…