Хаартыска: minobrnauki.sakha.gov.ru
2022-2023 үөрэх дьыла түмүктэнэн эрэр, “Үөрэх систиэмэтигэр оскуолалары саҥардыы” федеральнай бырагыраама иитинэн Саха сирин 57 оскуолатыгар хапытаалынай өрөмүөн көхтөөхтүк барар. Өрөспүүбүлүкэҕэ бу үлэни СӨ Үөрэҕин уонна билимин министиэристибэтин Үөрэҕи сайыннарыыны хааччыйар ресурснай киин сүрүннүүр.
Бу күннэргэ тустаах киин дириэктэрэ Василий Петров хапытаалынай өрөмүөн ыытыллар эбийиэктэригэр сырытта. Василий Васильевич Табаҕа уонна Хатас оскуолаларыгар үлэ хаамыытын көрдө. Табаҕа оскуолатыгар аукцион түмүгүнэн бэдэрээтчитинэн “Монтажник” кооператив талыллыбыта. Оскуола алын өттүн (цоколь) уонна акылаатын, үрдүн уонна муостатын, түннүктэрин, ааннарын, бүрүйэр, кырааскалыыр, о.д.а. үлэлэр ыытыллаллар.
Хатас оскуолатыгар бэдэрээтчитинэн эмиэ “Монтажник” кооператив анаммыта. Хапытаалынай өрөмүөн иитинэн маннык үлэ оҥоһуллар: хоруобуйа, тас өттүн тупсарыы, уотун сырдатыы, маныыр-баһаарынай сигнализацияны туруоруу, о.д.а. өрөмүөн.
“Үлэ, кыраапыгы урутаан иһэр, бэдэрээтчиттэр эбийиэктэр өрөмүөннэрин болдьоҕун иннинэ бүтэрэр былааннаахтар. Үлэлэригэр сыһыаннара эппиэтинэстээх, оскуола дириэктэрдэрин уонна төрөппүттэр баҕа санааларын учуоттууллар”, — диэн Василий Петров бэлиэтиир.
Үлэ өрөмүөнүнэн эрэ бүппэт, оскуолалары сайыннарыы киэҥ хабааннаахтык барара сабаҕаланар: үөрэх тэрилин, үөрэнэр кинигэни атыылаһыы, хааччыйыы, учууталлар идэлэрин таһымын үрдэтии, ону тэҥэ, терроризмы утары куттал суох буолуутун ирдэбилигэр сөп түбэһиннэрии. Өрөмүөннэнэр оскуолаларга үөрэнэр эйгэ эрэ тэриллэр буолбатах, доруобуйа, оҕо эргиччи сайдыытыгар эмиэ усулуобуйа олохтонор: успуордунан, искусствонан дьарыктаныыга, көхтөөх оонньууга, патриотическай иитиигэ. Бу соругу толорор инниттэн бары улуустарга хапытаалынай өрөмүөн үлэтин ыытыллыытыгар үөрэнээччилэр уонна төрөппүттэр сэбиэттэрэ тэриллибиттэрэ.
Санатан эттэххэ, 2022 сылтан РФ бэрэсидьиэнэ Владимир Путин сорудаҕынан дойду үрдүнэн оскуолалары хапытаалынайдык өрөмүөннээһин киэҥ далааһыннаах үлэтэ барар, ол курдук, тыа сирин уонна бөһүөлэк оскуолаларыгар 2022-2026 сс. “Үөрэҕи сайыннарыы” судаарыстыбаннай бырагыраама иитинэн ыытыллар.
СӨ Үөрэҕин уонна билимин министиэристибэтин пресс-сулууспата.
Кыайыы күнэ. Муҥура суох үөрүү, харах уута аргыстаах, кыырыктыйбыт чанчыктаах, өрөгөйдөөх бырааһынньык! Ити билигин, итинник…
Бу хаартыска 1975 сыллаахха Кыайыы 30 сылыгар түһэриллибит. Урут хаартысканан түһэрии үөдүйэн турдаҕына дьарыктана сылдьан…
Аҕа дойду уоттаах сэриитигэр Улуу Кыайыы 80 сылынан Ем.Ярославскай түмэлигэр “Реликвии Великой Отечественной…” быыстапка буолла.…
Модун кыахтаах Сэбиэскэй судаарыстыба улуу нуучча норуотун салалтатынан биэс сыллаах алдьархай аргыстаах Аҕа дойду сэриитин…
1827 сыллаахха атыыһыттар көҕүлээһиннэринэн, үпкэ-харчыга тус кыттыһыыларынан Дьоҕус баһаарга тутаах дьиэни 1830 сыллаахха диэри туттарбыттар…
Бүгүн, ыам ыйын 11 күнүгэр, уочараттаах оһуокай Арчы дьиэтигэр үрдүк таһымнаахтык ыытылынна. Үс Дьоруойдаах Бүлүү…