Салгыы
Василий Попов: Мин бырагыраамам – норуокка туһуланар, үлэм сүрүн хайысхатынан патриотизм уонна үөрэх эйгэтэ буолуоҕа

Василий Попов: Мин бырагыраамам – норуокка туһуланар, үлэм сүрүн хайысхатынан патриотизм уонна үөрэх эйгэтэ буолуоҕа

14.03.2023, 19:45
Хаартыска: "Биир ньыгыл Арассыыйа" пресс-сулууспатыттан
Бөлөххө киир:

Волонтердар хамсааһыннара «Биир ньыгыл Арассыыйа эдэр гвардията» бүтүн Арассыыйатааҕы уопсастыбаннай тэрилтэ Уһук Илин федеральнай уокуругун координатора Василий Попов салайааччылаах былырыын Украинаттан босхоломмут сирдэргэ көмө оҥорор сыаллаах үстэ баран кэлбитэ.
Биир командировкатыгар Володарскай (Никольское) бөһүөлэккэ бара сылдьыбыта. Онно сылдьан Василий уонна кини табаарыстара быстах олорор пууҥҥа олорор дьоҥҥо көмөлөспүттэрэ. Пуун үлэһиттэригэр нэһилиэнньэни кытары үлэни тэрийэргэ көмөлөспүттэрэ, оҕолор сынньалаҥнарын тэрйбиттэр.

Василий Попов үс ыйдаах командировкатын бириэмэтигэр Мариупольга МГЕР волонтердар «Спартак» лааҕырдарын салайыбыта. Үлэтэ, чуолаан, нэһилиэнньэни тэтимнээхтик эмтээһин балыыһатын үлэһиттэригэр көмөлөһүү, ыччаты уонна оҕолору кытта үлэ, патриотическай дьаһаллары тэрийии, 51 волонтер үлэтин сүрүннээһин уонна нэһилиэнньэҕэ аадырыстаах көмөнү оҥоруу буолбута.

Саха сирин волонтердарын хамсааһына байыаннай дьайыыга сылдьар биир дойдулаах байыастарыгар улахан кээмэйдээх гуманитарнай көмө таһыллыбыта. Уолаттар гуманитарнай көмөнү тириэрдэ элбэхтик Рубежнай бөһүөлэккэ, Волновахаҕа Донецкайга, Луганскайга, Мелитопольга сылдьыбыттара.

Бэлиэтээн эттэххэ, Уһук Илин федеральнай уокуруктан 82, ол иһигэр Саха сириттэн 26 эдэр гвардеец волонтер быһыытынан барыбыттара.

Быйыл олунньу ыйга эдэр гвардеецтар «Тепло Севера – детям Донбасса» диэн акцияны ыыппыттара. Биһиги волонтердарбыт хамаандалара оҕо дьиэлэригэр анаан оонньуурдары хомуйбуттара. Үтүө санаа кыымын муус устарга бэлэхтиир былааннаахтар.

Василий Попов босхоломмут сирдэргэ учууталлар тиийбэттэринэн, нуучча тылын, устуоруйа уонна обществознание учууталлара баран кэлэллэрин көҕүлээччинэн буолар. Ол курдук муус устарга Донбасска учууталлар баҕа өттүлэринэн үлэлии бараллара быһаарылынна. Бу идиэйэни Ил Дархан уонна МГЕР бэрэссэдээтэлэ өйөөтүлэр.
Эдэр гвардеецтэр хамаанадалара дьону кытары үлэлиир саҥа салайааччылар кэмнэрэ кэллэ диэн, Василий Поповка бэйэтин кандидатуратын «Биир ньыгыл Арассыыйа» баартыйа барыллаан аһаҕас куоластааһыныгар кыттарыгар этии киллэрдилэр. Ыарахаттартан иҥнибэккэ, ханнык даҕаны усулуобуйаҕа хамаанданы тэрийэн үлэлэтэр дьоҕурдааҕын эдэр гвардеецтар бэлиэтииллэр.

«Биир ньыгыл Арассыыйа» баартыйа СӨ VII Ыҥырыылаах Судаарыстыбаннай Мунньаҕар норуот дьокутаатыгар барыллаан аһаҕас куоластааһыҥҥа кандидатурабын туруорунарга эдэр гвардеецтары кытары дьүүллэһэн баран быһаарыммытым. Бу миэхэ олус суолталаах уонна эппиэтинэстээх хардыы. Волонтердаабыт уопуппун төрөөбүт Сахабыт сирэ сайдарыгар туттуохха наада дии саныыбын. Мин бырагыраамам – норуокка туһуланар, үлэм сүрүн хайысхатынан патриотизм уонна үөрэх эйгэтэ буолуоҕа», — диэн бэлиэтээтэ Василий Попов.

Санатар буоллахха, сайабылыанньаны биэрии уонна докумуоннары туттарыы кулун тутар 8 күнүттэн муус устар 27 күнүгэр диэри 2023 с. барыа. Барыллаан аһаҕас куоластааһыҥҥа кыттарга докумуоннары бэйэҥ тиийэн эбэтэр онлайн даҕаны ыытыахха сөп:

Онлайн ыытарга PG.ER.RU сайтка киириллэр, «Госуслуги» нөҥүө регистрацияланаҕыт, эрэгийиэни уонна ханнык таһым быыбарын талаҕыт. Ол кэннэ бэйэҕит дааннайдаргытын толороҕут. Сайабылыанньа биэрэн бараҥҥыттан 30 күн иһигэр Тэрийэр кэмитиэккэ докумуоҥҥутун бэйэҕит илдьэн туттараҕыт.
Оттон докумуоннаргын бэйэҥ илдьэн биэрэр буоллаххына, олорор сиргинэн Тэрийэр кэмитиэккэ туттараҕын.

— Ил Түмэҥҥэ барыллаан куоластааһыҥҥа кандидаттары сүүмэрдээһиҥҥэ кыттааччылар докумуоннары маннык аадырыска туталлар: Дьокуускай куорат, Аммосов уул., 18, 4.01. офис
— Дьокуускай куорат Дууматыгар барыллаан куоластааһыҥҥа кандидаттары сүүмэрдээһиҥҥэ кыттааччылар докумуоннары маннык аадырыска туталлар: Дьокуускай куорат, Киров уул. 13, 405 каб.
Быыбардааччылар «Биир ньыгыл Арассыыйа» баартыйаҕа кинилэр интэриэстэрин көмүскүүр кандидаттарын ыам ыйын 22-28 күннэригэр https://pg.er.ru/ сайтка тус кэбиниэтттэригэр киирэн талыахтарын сөп («Госуслуги» нөҥүө).

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
24 апреля
  • 2°C
  • Ощущается: -0°Влажность: 87% Скорость ветра: 2 м/с

Сообщить об опечатке

Текст, который будет отправлен нашим редакторам: