Василий Сергеев: «Эн саха уолаҕын…»

“Саха сирэ” хаһыат (sakha-sire.ru) хорсун-хоодуот буойуттарбытыгар анаан, дойдуга бэриниилээх буолууга иитэр соруктаах хоһоон куонкуруһун биллэрбитэ.

47-с кыттааччы:  Сергеев Василий Иванович 2018 сыллаахха суруйан хаалларбыт хоһоонун бэчээттиибит. Мэҥэ Хаҥалас  Дьаҥхаадыта.

«Аҕабыт Василий Иванович билигин, хомойуох иһин, биһиги кэккэбитигэр суох. Ол эрэн ити суруйан хаалларбыт хоһооно билигин бу буола турары өтө көрөн суруллубут курдук. Төрөппүт икки уола билигин  байыаннай эпэрээссийэҕэ сылдьаллар», — диэн  оҕолоро суруйдулар. 

ЭН САХА УОЛАҔЫН…

Умнума Чыҥыс Хаан кэмигэр

Кыйдаран Туймаада хочотун булбутуҥ,

Омуккун Саханан сүрэхтээн

Бу сиргэ хойгуоҕун туруортуҥ

Омоҕой саҕаттан ааҕынан

Эллэйтэн, Дыгынтан сыдьааннаах

Үс саха төрүөҕүн салҕааччы

Олохтоох эн Саха уолаҕын.

Аҕыйах ахсааннаах омукпун дэнимээр,

Санааҕын хамсатар, санньыйар буолумаар.

Киэҥ сиргэ баһылык сахаҕын

Олохтоох эн Саха уолаҕын.

Киэҥ тутун Киһилээх хайанан

Дьылҕа Хаан күлүүһүн туттарбыт

Сир киинэ буолуохтаах сиргинэн

Киэҥ тутун бараммат баайгынан.

Саараамаҥ Сахалар сүтүөхпүт диэҥҥит!

Будуллар буурҕаҕа муммакка кэлбиппит,

бүгүҥҥү да кэмҥэ тулуйуох тустааххыт.

Сүүс омук дьылҕатын быыһыахтаах

Урааҥхай уолана буолаҕын,

Кэлиэхтээх олоҕу торумнуур

Олохтоох эн Саха буолаҕын!