Видеоттан скриншот
Бу сарсыардаттан социальнай ситимнэринэн, бөлөх аайы Москваҕа баар Саха сирин бастайааннай бэрэстэбиитэлистибэтин Биир кэлим координационнай киин үлэһиттэрэ госпиталга сытар уолаттарга анаан норуот хомуйан ыыппыт аһын үллэстибиттэрин туһунан сурах-садьык тилийэ көттө.
Кимэ биллибэт киһи, аатын-суолун суруйбакка эрэ итинник сураҕы ыытан өрөспүүбүлүкэ олохтоохторун аймаата. Бөлөх аайы кыыһырбыт-абарбыт дьон «биһиги бааһырбыт уолаттарбытыгар туох баар күндү астары ыытабыт, эһиги үллэстэргитигэр буолбатах!», «тустаах үллэстибит тойоттор көрүөхтэрэ», «Москваҕа ыыппыт аспытын барытын үллэстэн кэбиспиттэр. Позор дии», о.д.а. ис хоһоонноох тыллары суруйбуттар.
Бу сурах-садьык төһө оруннааҕый? Маныаха Москваҕа баар Саха сирин бастайааннай бэрэстэбиитэлистибэтин Биир кэлим координационнай киин үлэһитэ Лена Афанасьевна Алексеева маннык эппиэттээтэ: «Күннэйэ Афанасьевна аҕалбыт астаах үс хоруопката үһүөн Поспредствоҕа морозильнай камераҕа тураллар. Мантан сороҕо астанан, госпиталга сытар уолаттарга, аадырыстанан тиийбитэ. Ону туоһулуур хаартыскалар бааллар. Бүгүн социальнай ситим устун сыыһа өйдөбүл тахсыбыт. Биир кэлим координационнай киин ханнык даҕаны тойоно, ханнык даҕаны атын киһи тыыппатаҕа, сиэбэтэҕэ».
Киһи киэҥ эйгэҕэ дакаастабыллаах эрэ чахчылары тарҕатыан сөп, оттон аатын-суолун кистээн туран суруйуута, хоп-сип, сурах-садьык буолар уонна онтугар эппиэтинэскэ тардыллыан сөп. Онон кыларыйан турар кырдьыгы эрэ, дакаастабыллаах чахчыны суруйуоххутун наада. Билиҥҥи уустук кэмҥэ итинник сымыйа сурахтары тарҕатан дьону аймаабаккыт буоллар диэн этиэм этэ.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…