Саха сиригэр биир улуус пилотнай бырайыакка кыттан, киһи хапытаалын үрдэтиигэ үлэлэһиэ.
ВЭБ.РФ сайдыы судаарыстыбаннай корпорацията көҕүлээһининэн, СӨ Бырабыыталыстыбата өйөөһүнүнэн «Саха Өрөспүүбүлүкэтин үөрэнээччилэрин үөрэхтэрин таһымын үрдэтии» социальнай бырайыак үлэлиэ. Бу бырайыак хас биирдии оҕо, куоракка дуу, тыаҕа дуу олороруттан тутулуга суох, талаанын арыйарыгар уонна бэйэтин баар кыахтарын олоххо киллэрэригэр хайдах усулуобуйаны тэрийиэххэ уонна киһи күрэстэһэр кыаҕын үрдэтиэххэ сөбүн быһаарыа.
Бырайыак сыалынан инники күөҥҥэ сылдьар цифровой технологиялары, оскуолаҕа үөрэҕи тэрийиигэ аныгы ньыманы туһанан, көдьүүстээх үп менеджменин учуоттаан туран уонна дааннайдарга олоҕуран уопсай үөрэхтээһин тэрилтэлэригэр көдьүүстээх мэхэньиисими оҥорон Саха сирин оскуолаларын үөрэнээччилэрин үөрэхтэрин түмүгүн үрдэтии буолар.
Бырайыагы толорооччунан «Экэниэмикэ үрдүкү оскуолата» национальнай чинчийэр университет буолар. Университет инники күөҥҥэ сылдьар экспертэрэ бырайыагы олоххо киллэрии кэмигэр үөрэнээччилэри эбии бэлэмниэхтэрэ (ол иһигэр куйаар ситимин нөҥүө), салайар хамаандалары уонна педагогтары бэлэмнииргэ, оскуолалар анал үөрэтэр холбоһуктарын тэрийиигэ итиэннэ оскуолалар ситиминэн бииргэ үлэлииллэригэр көмөлөһүөхтэрэ.
Бырайыак олоххо киирэригэр үөрэнээччилэр, педагогтар уонна оскуола салайааччылара эрэ буолбакка, төрөппүттэр уонна олохтоох холбоһуктар эмиэ кыттыахтара. Өрөспүүбүлүкэ салалтата бу бырайыакка кыттарга «Хаҥалас улууһа» муниципальнай тэриллиини талбыта.
Бырайыагы олоххо киллэрии түмүгүнэн 3 сыл устата социальнай көдьүүс индексин таһыма баар билиҥҥи таһымтан 10 % үрдүүрэ былааннанар. Бу Арассыыйаҕа социальнай сабыдыал бастакы пилотнай бырайыага буолар, төһө көдьүүстээҕэ бигэргэннэҕинэ киэҥ далааһыннаахтык тарҕатыллыа.
Ыспыраапка: ВЭФ.РФ – социальнай-экэнэмиичэскэй бырайыактары үбүлүүр сайдыы судаарыстыбаннай корпорацията. 2018 с. диэри Внешэкономбанк диэн ааттанара.
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…
Дьокуускайга Эргэ куорат биир дириҥ устуоруйалаах, мааны, сэргэх, сырдык оҥоһуулаах оройуонунан биллэр. Манна киһи күнүстэри,…