Хаартыска: СӨ Ил Дарханын уонна Бырабыыталыстыбатын пресс-сулууспата
Владивостокка «ГТО оонньууларыгар» Уһук Илин уокурук үһүс аһаҕас Куубага бэҕэһээ, балаҕан ыйын 8 күнүгэр, түмүктэннэ.
Илиҥҥи экэнэмиичэскэй пуорум чэрчитинэн ыытыллыбыт күрэхтэһиигэ Саха сирин хамаандата «оскуола оҕолоро» категорияҕа бастаата. Бу туһунан СӨ Ил Дарханын уонна Бырабыыталыстыбатын пресс-сулууспатыгар иһитиннэрдэ.
Үөрэнээччилэр ортолоругар күрэхтэһиигэ Уһук Илин федеральнай уокурукка 11 хамаанда кытынна. Саха сирин оскуола оҕолорун хамаандата утарсааччыларын быдан кэнники хаалларан, бастакы миэстэни эрэллээхтик ылары ситистэ.
Хамаандаларынан 14-тэн 17-гэр диэри саастаах уолаттар уонна кыргыттар кытыннылар. Саха сирин хамаандатыгар ордук Дьокуускайтан Ирина Федорова, Уус Алдантан Виктория Хромова, Мэҥэ Хаҥаластан Алина Федорова, Уус Маайаттан Михаил Абрамов уонна Глеб Калинин, Уус Алдантан Николай Охлопков бэлиэтэннилэр. Хамаанданы Ариян Александров уонна Роман Кравченко салайдылар.
«Оскуола оҕолоро» категорияны таһынан спортсменнар хамаанданан зачекка «любитель», «профессионал» уонна «маастар» категорияларга күрэхтэстилэр.
Санаттахха, «профессионаллар» категорияҕа кыайыылааҕынан 12 кыттааччы ортотугар үрдүк көрдөрүүлээх саха спортсмена Игнат Чомчоев буоллбута. «Любители» категорияҕа Саха сирин бэрэстэбиитэллэрэ эмиэ үчүгэй көрдөрүүлээхтэр: 27 кыттааччыттан түөрт спортсмен төрдүс, бэһис, алтыс уонна сэттис миэстэлэри ыллылар.
Физическэй култуураҕа уонна успуорка министиэристибэтин бэрэстэбиитэллэрэ эппиттэринэн, бу сылга үтүө түмүктэр саха спортсменнарын бэлэмнээһинигэр бастыҥ көрдөрүүлэрэ туоһулууллар. Ааспыт сылга Игнат Чомчоев иккис, оттон Саха сирин оскуолатын хамаандата бэһис миэстэҕэ тиксибиттэрэ. Уон бастыҥ ортолоругар биир эрэ саха спортсмена баара.
Саха сиринээҕи УГМС саайтын сабаҕалааһынынан, бүгүн, олунньу 11 күнүгэр, өрөспүүбүлүкэҕэ кыралаан хаардыыр, оттон арҕаа өттүгэр…
Саха сирэ ыраахтан кэлэр туристары бэйэтин ураты, киһи атаҕа тиийбэтэх кэрэ айылҕатынан умсугутар. Швейцарияттан кэлбит…
Тулагы-Киллэмҥэ Арассыыйаҕа Норуоттар сомоҕолоһууларын, Саха сиригэр Култуура, нэһилиэкпитигэр Сомоҕолоһуу сыллара биллэриллибиттэрин арыйар үөрүүлээх тэрээһин өрө…
Олунньу 7 күнүгэр "Чурапчы" айар түмсүү салайааччыта Римма Иннокентьевна Корякина-Хотууна уонна кини кыыһа Сардаана Корякина-Сардаана…
ИДьМ Дьокуускайдааҕы управлениетын наркотик эргиирин хонтуруоллуур отделын үлэһиттэрэ эрэгийиэннэр икки ардыларынааҕы наркокурьер үлэтин тохтоттулар. Суһал-көрдүүр…
Саха сирэ сааскы халааны этэҥҥэ аһарарга анаан күүстээх бэлэмнэнии үлэтин саҕалаата. Туох үлэлэр ыытыллалларын туһунан…