Хаартыска: ЯСИА.
Саха сирэ Илиҥҥи экэнэмиичэскэй пуорумҥа кыттыбытын тухары уонча сыл устата 200-тэн тахса дуогабары түһэристэ.
Уопсай инвестиция кээмэйэ 1 триллион солкуобайтан таҕыста. Бырайыактары олоххо киллэрии 9 тыһыынчаттан тахса саҥа үлэ миэстэтин таһаарарга кыах биэрдэ уонна эрэгийиэн 469 тыһыынча кэриҥэ олохтооҕун олоҕун хаачыстыбатын тупсарда.
Сөбүлэһиилэр түмүктэрэ араас хайысхаларга көһүннэ: «Саюри» тэпилииссэ комплекса, Наука аччыгый академиятын саҥа үөрэтэр-лабораторнай дьиэтэ, «Звезднай» түөлбэ тутулуннулар, өрөспүүбүлүкэ 100 сылыгар оптуобус паарката саҥардылынна, Арктика эрэгийиэннэрэ оптоволокно сибээһигэр холбоннулар. Тиксиигэ хотугу нэһилиэги эрэллээх уотунан хааччыйар тыал-дизельнай комплекс үлэтин саҕалаата. Пуорум чэрчитинэн, 531 км уһуннаах Чуумпу акыйаан тимир суолун, 2,7 туонна кыһыл көмүһү хостуур кыамталаах Тарыннааҕы хайа-байытар собуоту, флоту сылга 10 биригээдэҕэ диэри хаҥатыыны хааччыйар Жатайдааҕы судоверфь тутуутун туһунан сөбүлэһиилэр илии баттаммыттара.
Арассыыйа бэрэсидьиэнэ Владимир Путин 2023 сылга Илиҥҥи экэнэмиичэскэй пуорумҥа Уһук Илиҥҥи куораттары, ол иһигэр Дьокуускайы уонна Нерюнгрины сайыннарыы бырагырааматын олоххо киллэриини көрбүтэ. 2023-2025 сылларга куорат агломерацияларын комплекснай социальнай-экономическай сайдыытын уһун болдьохтоох былааннарын чэрчитинэн 33 бырайыагы олоххо киллэрии саҕаланна: 22 —Дьокуускайга уонна 11 — Нерюнгрига. Дьокуускайга Ленин болуоссата, Сайсары күөл эргиэнэ уонна Роман Дмитриев аатынан кытыл таһынааҕы искибиэрдэр, дьиэ тутар собуот, Нерюнгрига Киин учаастактааҕы балыыһа иккис уочарата саҥардыллыбыттара. Эмиэ Нерюнгри оройуонугар Сыллахтааҕы чох баайын, Усуйаана оройуонугар Тирэхтээх үрүйэ сир баайын уонна да атын үлэни оҥоруу саҕаланна.
ВЭФ-ка эмиэ түһэрсиллибит сөбүлэһии түмүгүнэн, «Үлэ кыбаартала» айар кластер 2023 сылга үлэҕэ киирбитэ. Билигин манна 203 резидент үлэлиир. Кинилэр уопсайа 262 мөлүйүөн солкуобай дохуоту ситистилэр.
Сиһилии https://www.sakha.gov.ru/news/10992 сигэнэн билсиҥ.
Бүгүн, балаҕан ыйын 2 күнүгэр, Таатта улууһун Уолбатыгар хаар, тобурах түспүт. Бу туһунан Михаил Боппосов…
Көҥүл тустууга Саха сирин уолаттарга сүүмэрдэммит хамаандата Бувайсар Сайтиев кэриэһигэр ыытыллар норуоттар икки ардыларынааҕы турнирга…
Быыһааччылар Нам улууһун Кириэс Кытыл сэлиэнньэтигэр сүппүт 1944 с.т. эр киһини көрдүүллэрин туһунан биэдмистибэ эрдэ…
Кыбартыыраны куортамҥа биэрии ирдэбиллэрин туһунан "Объясняем.Республика Саха" телеграм-ханаал быһаарар: [gallery ids="239068,239075,239074,239073,239072,239071,239070,239069"]
Бэс ыйын 30 күнүн иккис аҥаара, 2025 сыл. Оскуолаттан аны олохтоох бибилэтиэкэҕэ көрсүһүүгэ хойутаан тиийбиппит.…
Быйыл Ньурба улууһун ыраах олорор Хорула нэһилиэгэ биир бастакылар ахсааннарыгар олохтоох көҕүлээһиннэри өйүүр бырагыраама (ППМИ)…