Хаартыска: Андрей Сорокин, СИА
Илиҥҥи экэнэмиичэскэй пуорум кэмигэр Ил Дархан Айсен Николаев Лаосскай Норуодунай-Демократическай Өрөспүүбүлүкэ вице-бэрэсидьиэнэ Пани Ятхотуну кытары көрүстэ.
Өрүттэр атыы-эргиэн, үөрэх, успуорт уонна туризм салааларыгар бииргэ үлэлээһин боппуруостарын тула кэпсэттилэр.
«Муниципалитеттары кытары бииргэ үлэлээһин бу олус суолталаах хайысха. Бу култуурунай, экэнэмиичэскэй сибээстэри сайыннарыыга көмөлөөх», — диэтэ Айсен Николаев.
Айсен Николаев туризм эйгэтигэр, ол иһигэр дойду национальнай пааркаларын сайыннарыыга бииргэ үлэлээһиҥҥэ кыах баарын бэлиэтээтэ. Санатан эттэххэ, бэҕэһээ пленарнай кэпсэтиигэ дойду Аҕа баһылыга Владимир Путин Приморье, Хабаровскай кыраай, Саха сирэ, Бурятия, Камчатка уонна да атын эрэгийиэннэр национальнай пааркаларыгар туризмы сайыннарыыны эбэн туран, Уһук Илин «саҥа экэниэмикэ» салааларын былаһааккатынан буолуохтааҕын эппитэ.
Лаос вице-бэрэсидьиэнэ тыа хаһаайыстыбатын, атыы-эргиэн салаатыгар, каадырдары бэлэмнээһиҥҥэ бииргэ үлэлээһиҥҥэ кыах баарын эттэ.
Көрсүһүү түмүгэр Айсен Николаев Лаос спортсменнарын VIII сайыҥҥы норуоттар икки ардыларынааҕы «Азия оҕолоро» оонньууларга кыттарга ыҥырда.
Дьокуускайдааҕы суол-тырааныспар сулууспатын телеграм-ханаалыгар маршрутнай оптуобустар үлэлэрин хонтуруоллуур суһал лииньийэҕэ биир күн устата киирбит ыйытыылары…
Аҕыйах хонуктааҕыта Майа сэл. олохтооҕо, “СӨ ОДьКХ” ГУП Мэҥэ Хаҥаластааҕы филиалын тутаах үлэһитэ Иннокентий Неустроев…
Саха сиригэр ойуур баһаардарын умуруоруу туһунан "Пожары Якутии: спасаем лес во имя будущего" диэн документальнай…
Хоту арктическай улуустары аһынан-табаарынан хааччыйыы биир тирээн турар сорук буолар. Сайынын уу суолунан таһаҕас тиэммит…
Бүлүү улууһун Үгүлээт нэһилиэгиттэн байыаннай дьайыыга сулууспалыы сылдьар "Малой" диэн позывнойдаах байыас Бүлүү улууһун олохтоохторугар,…
Орто Халыма куорат маастара Алексей Егорович Тарасов кэлэр сыл бэлиэтин -- Моҕойу хаартан оҥордо. [gallery…