ВЭФ-2023: федеральнай эспиэрдэр Дьокуускай маастар-былааныгар үрдүк сыанабылы биэрдилэр

Илиҥҥи экэнэмиичэскэй пуорум кэмигэр федеральнай эспиэрдэр Дьокуускай куорат маастар-былааныгар үрдүк сыанабылы биэрдилэр. Бу туһунан Ил Дархан Айсен Николаев тэрээһин түмүктүүр күнүгэр иһитиннэрдэ.

«Бары эспиэрдэр Дьокуускай куорат маастар-былаанын бырайыага үрдүк хаачыстыбалаах диэн бэлиэтээтилэр. Ол иһигэр, бу үлэни сүрүннүүр  Арассыыйа бырабыыталыстыбатын бэрэссэдээтэлин солбуйааччы Марат Хуснуллин. Бу бырайыагы хас даҕаны бөдөҥ хампаанньа Москва генбылаанын  института салайыытынан оҥоһуллубута биллэр», — диэтэ Айсен Николаев.

Ил Дархан маастар-былаан сүрүн чааһа Өлүөнэ  муостата буолар диэн бэлиэтээн эттэ. Бу эбийиэк үс федеральнай уонна биэс эрэгийиэн суолларын, итиэннэ өрүс пордун, аэропорду уонна Аллараа Бэстээх тимир суолун холбуоҕа.