Хаартыска: Андрей Сорокин, СИА
Эһиил 2024 сылга Дьокуускайга буолуохтаах «Азия оҕолоро» норуоттар икки ардыларынааҕы ахсыс спортивнай оонньууга бэлэмнэнии хайдах бара турарын туһунан Ил Дархан Айсен Николаев уонна РФ Успуордун миниистирэ Олег Матыцин Илиҥҥи экэнэмиичэскэй пуорум кэмигэр кэпсэттилэр.
Ил Дархан Айсен Николаев иһитиннэрбитинэн, билигин «Азия оҕолоругар» бэлэмнэнии көхтөөхтүк бара турар, күрэхтэһиилэр буолар эбийиэктэригэр хапытаалынай өрөмүөн ыытыллар. Дьокуускайга элбэх хайысхалаах успуорт комплекса тутуллар. Уопсайа оонньууларга 16 эбийиэги бэлэмниэхтэрэ.
«Биһиги успуорт тэрээһиннэрин «Азия оҕолоро» оонньууга бэлэмнэнии чэрчитинэн ыытабыт. Бу күннэргэ Дмитрий Коркин аатынан көҥүл тустууга XIV норуоттар икки ардыларынааҕы турнир түмүктэннэ. Уопсайа 15 дойдуттан кэлэн кытыннылар. Онтон «Азия оҕолоругар» 25-тэн тахса дойдуттан кыттааччы кэлэрэ күүтүллэр. Сорохтор өрөспүүбүлүкэҕэ эрдэ кэлэ сылдьыбыттара. Бэлэмнэнии күүскэ бара турар», — бэлиэтээтэ Айсен Николаев.
Олег Матыцин «Азия оҕолоро» спортивнай оонньуу 2024 сылга Арассыыйа биир бөдөҥ успуорт тэрээһинэ буолуоҕа уонна үрдүк таһымнаахтык ааһыаҕа диэн эрэлин эттэ.
Санатан эттэххэ, «Азия оҕолоро» норуоттар икки ардыларынааҕы спортивнай оонньуу Саха сиригэр 1996 сыллаахха тэриллибитэ. «Азия оҕолоро» күрэхтэһии 2024 сылга бэс ыйын 25 — от ыйын 7 күннэригэр ыытыллара былааннанар. Тэрийээччилэр бэлиэтээбиттэринэн, аныгыскы оонньууларга успуорт саҥа көрүҥнэрин киллэриэхтэрэ. Ол иһигэр кикбоксинг, интеллектуальнай оонньуулар, спортивнай үҥкүү, «Го» дуоска оонньуута, альпинизм уо.д.а.
Дьон аһыыр сирин арыйан биисинэс тэринии өрүү харчыны киллэрэр. Бүтэһик сылларга өрөспүүбүлүкэҕэ дьоппуон, кытай, узбекистан,…
Дьокуускайдааҕы суол-тырааныспар сулууспатын телеграм-ханаалыгар маршрутнай оптуобустар үлэлэрин хонтуруоллуур суһал лииньийэҕэ биир күн устата киирбит ыйытыылары…
Аҕыйах хонуктааҕыта Майа сэл. олохтооҕо, “СӨ ОДьКХ” ГУП Мэҥэ Хаҥаластааҕы филиалын тутаах үлэһитэ Иннокентий Неустроев…
Саха сиригэр ойуур баһаардарын умуруоруу туһунан "Пожары Якутии: спасаем лес во имя будущего" диэн документальнай…
Хоту арктическай улуустары аһынан-табаарынан хааччыйыы биир тирээн турар сорук буолар. Сайынын уу суолунан таһаҕас тиэммит…
Бүлүү улууһун Үгүлээт нэһилиэгиттэн байыаннай дьайыыга сулууспалыы сылдьар "Малой" диэн позывнойдаах байыас Бүлүү улууһун олохтоохторугар,…