Хаартыска: Андрей Сорокин
Владивосток куоракка ыытылла турар Илиҥҥи экэнэмиичэскэй пуорум кэмигэр, мас тардыһыытыгар «Колмар» хампаанньа Куубага ыытылынна.
Тэрээһин үөрүүлээх аһыллыытыгар Федерация Сэбиэтин федеративнай тутулга, эрэгийиэннээҕи бэлиитикэҕэ, олохтоох салайыныыга кэмитиэтин бэрэссэдээтэлин солбуйааччы Александр Акимов тыл этэригэр: «Бүгүн биһиги аан дойду норуоттарын доҕордоһууларын кэрэһилиир куубагын оонньотобут. Күрэхтэһиигэ 19 дойду бэрэстэбиитэллэрэ кытталлар. Бу тэрээһиммитигэр кэлбит спортсменнарга махтанабыт«, — диэтэ.
Уһук Илини уонна Арктиканы сайыннарыы миниистирэ Алексей Чекунков Уһук Илин күүстээх дьон түмсэн олорор сирдэринэн буоларын этэн туран, мас-рестлинг Саха сиригэр күүскэ сайдыбытын уонна аан дойдуга киэҥник биллэн эрэрин бэлиэтээтэ.
Бу сырыыга «Колмар» хампаанньа Куубагын кыайыылааҕынан чопчу биир дойду бэрэстэбиитэлэ буолбакка, араас дойдулартан турар хамаанда буолла.
Сэрэбиэй быһыытынан хамаандалар састааптарыгар үстүү кыттааччы киирдэ. Уопсайа күрэхтэһиигэ 19 дойдуттан, ол иһигэр Анголаттан, Арменияттан, Бразилияттан, Венгрияттан, Индияттан, Колумбияттан уонна да атын дойдулартан 24 спортсмен кыттынна.
Күрэхтэһии түмүгүнэн «Медведи» хамаанда кыайыылаах таҕыста. Хамаанда састаабыгар Арассыыйаттан Егор Дегтярев, Алина Алексеева, Артем Ветров бааллар. Иккис миэстэ «Леопарды» (Лхагвасурен Бьямбасурэн, Болотбекова Эльдана, Гей Лаба), үһүс миэстэ — «Красные волки» (Таштанбеков Азат, Хакимова Шахло, Соса Рейес Висенте Гастон).
Балаҕан ыйын 18 күнүгэр Социальнай пуонда Саха сиринээҕи салаатын килийиэннэрин сулууспаларыгар Биир кэлим босуобуйа күнэ…
Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччы Дмитрий Садовников дойду Бэрэсидьиэнэ Владимир Путин көҕүлээбит “Олох инфраструктурата”…
Бу күннэргэ Арассыыйа Наукаларын академиятын Сибиирдээҕи салаатын Гуманитарнай чинчийиилэр уонна хотугу норуоттар кыһалҕаларын института тэриллибитэ…
“Уһук Илиҥҥи тиэргэннэри тупсаҕай оҥоруу” федеральнай бырайыагынан Саха сиригэр 17 тиэргэни тупсарыахтара. Ол курдук, бу…
Саха сиринээҕи Саахал мэдиссиинэтин киинин үлэһиттэрэ «Путь воина» күрэхтэһиигэ көмөнү оҥорорго бэлэмнэр. Саахал мэдиссиинэтин киинин…
Арассыыйаҕа 2026 сылтан биэнсийэни индексациялааһын икки түһүмэҕинэн барар буолуоҕа. Бу туһунан Социальнай пуонда бэрэссэдээтэлэ Сергей…