Андрей Сорокин хаартыската, СИА.
РФ Бэрэсидьиэнэ Владимир Путин Уһук Илин куораттарын, ол иһигэр Нерюнгри куорат, сайдыытын бырагырааматын олоххо киллэрии туһунан мунньаҕа ыытылынна.
Нерюнгри уонна атын даҕаны куораттар маастар-былааннарын Бэрэсидьиэн өйүүрүн биллэрдэ. Владимир Владимирович куораттар кэлим сайдыыларын былаанын бигэргэтэргэ уонна үбүлээһин хайдах оҥоһулларын быһаарарга соруйда.
Нерюнгри маастар-былаана куорат олохтоохторун санааларынан, баҕаларынан оҥоһуллар. Онно олохтоохтор суол туругун, мэдиссиинэ өҥөтүн оҥоруу хаачыстыбатын уонна куораты тупсарыы кыһалҕатын туруорбуттара. Куорат олохтоохтоорун чуолаан, Нерюнгритааҕы киин балыыһа өрөмүөнэ, олорор дьиэлэри уонна Сынньалаҥ пааркатын тутуу долгутара.
Минвостокразвития салаатынан Бэрэсидьиэн биир кэлим субсидиятынан Нерюнгритааҕы киин балыыһа эбийиэгин хапытаалынай өрөмүөнэ уонна эбийиэктэри саҥардыы саҕаланна, ону сэргэ биэс эбийиэккэ оборудование атыылаһылынна.
Оттон «Куттада суох, хаачыстыбалаах суоллар» нацбырайыагынан федеральнай бүддьүөт үбүнэн 39 км суол оҥоһуллара былааннанар.
2025 с. куорат Култуура киин пааркатын саҥаттан оҥоруу былааннанар, быйыл Нерюнгри кыайан федеральна үбүлээһинтэн 150 мөл. солк. ылбыта.
Маастар-былаан дьон олоҕун хаачыстыбатын үрдэтиэ уонна куорат сайдыытыгар социальнай-экэнэмиичэскэй туруктаах буолууну хааччыйыа.
"РУСАДА" Арассыыйаҕа допины утары үлэлиир ааҕыныстыба мадьыны анаалыһыгар бобуулаах бэссэстибэ баарын быһаарда. Онон күрэсчит 2029…
Соторутааҕыта Чүүйэҕэ Чоочо баай киэҥ нэлэмэн алааһыгар күүлэйгэ тиийэ сылдьан, бэрт сатабыллаах үлэ бэтэрээнин кытта…
Х Илиҥҥи экэнэмиичэскэй пуорумҥа 106 млрд солк. суумалаах 27 дуогабарга илии баттаммытын туһунан Ил Дархан…
Кытайга ыытыллыбыт ШОС саммитын кэнниттэн РФ бэрэсидьиэнэ Владимир Путин Владивостокка Х Илиҥҥи экэнэмиичэскэй пуорумҥа кэлэн,…
Бүлүү куоратын өрөгөйдөөх күнүн көрсө «Ыллыыр кумах» диэн дьон-сэргэ сөбүлээн сынньанар, толору тоҕуоруһар сирэ арылынна.…
Сунтаар улууһун Бордоҥ сэлиэнньэтигэр олорор, үлэлиир кэргэннии Мария уонна Василий Спиридоновтар ырыаларын истибэтэх, кинилэр талааннарыгар…